Si Serpolette ginlibutan sang humalangad nga mga opisyal, nga isá ka sakayanon kag isá ka mananabang sang makità niya. si P. Irene nga nagbantay kag nagbutáng sa tanan nga bahin kag hilít sang utbong sang iya ilóng nga malabà, subong nga sa sinâ gintungkad niya ang mga tinagò sang palagwàan.
Inuntatán ni Serpolette ang iya pagpakigsugilanon, sumampok ang iya mga kilay, binatak niya, binuka ang iya mga bibig, kag sa kaalikaya sang isá nga tagá-París, binayàan niya ang iya mga humalangád kag pumatuhoy nga daw isá ka torpedo padulong sa aton sumalabdong.
- Tiens, tiens, Toutou! mon lapin! hambal niya nga inuyatan sa butkon si P. Irene kag binutong sing masinadyahon. samtang nga pinakurog niya ang hangin sang iya matagsing nga pangadlaw.
-Chut, chut! siling sang pari nga nagtinguhâ sa pagpalipód.
- Mais, comment! Toi, ici, grosse bete' Et moi qui l' crovais...
-Fais pas d' tapage, Lily! Il faut za'respecter! 'suis ici l' Papel
Sa dakú nga kalisód pinahangóp siá ni P. Irene sang matarong. Ang masinadyahon nga si Lily natingala sa pagpakigkità sa Manila sa isá ka dumaan nga abyan nga nagpa- hanumdom sa iya sang coulisses sang teatro nga Grande Opéra. Kag tungód sini nga si P. Irene nga nagtuman sang iya katungdanan bilang isá ka abyan kag subong man nga isá ka sumalabdong, nagsugod sang isá ka pamalakpak sa pagpasadya sang iya buót: bagay gid man yadto kay Serpolette.
Sa karón ang aton mga pamatan-on naghinulat sang cancán, si Pecson pumalibot sang iya panulok; ang tanan yarà lwás lamang ang kankan. May isá ka tión nga kon walâ mag-abót ang tinawo sang pagbulot-an, nagpukpokanay ang mga babae, kag nagbinugnotay sing buhók, nga pinasud-o sang uslitán nga mga tumandok nga naghulolát, subong sang aton mga tumo luon, sa pagtan-aw sang mga butáng lwás sang isá ka kankan.
- Scit, scit, scit, scit, scit, scit,
- Disputez-vous, battez-vous;
- Scit, scit, scit, scit, scit, scit,
- Nous allous compter les coups! ...
