kag nagpamalakpak sa tión nga kinahanglan nga daw walâ
gid sing nawigit sa iya. Kag ang iya paghangóp walâ pag-
tuytoyi sang mga hulag sang mga artista, nga halos siá nag-
tulok sa entablado. Ang lampingasan naghambal sing hungód
kay Paulita, nga sanglit may mga babae nga labi pa katahúm.
indi siá maluyag nga makapuyan sa pagtulok sa malayô... Si
Paulita namulá. tinabunan niya ang iya guyá sing abaniko kag
sa tagù nagtulok diín nagpungkò si Isagani, nga walâ pag-
yuhóm kag walâ man pagpamalakpak nagtambong nga wala
malingaw sa palagwàon.
Lumain ang buót ni Paulita kag nangimon; naluyag si Isagani sa sinang makagalanyat nga mga artista? Iní nga panghunâhonà nagpalain sang iya buót kag halos niya maba- tìán ang mga pagdayaw nga ginhalad ni donya Victorina sa iya ginpakaali.
Gindalá ni Juanito sing maayo ang iya papel: kon kaisá naghulag ang iya ulo nga bilang indì makauyon, kag naba- tián ang mga pag-ubóubó, may kinumod sa ibán nga mga bahin; kon kis-a man nagyuhóm siá, nagpakamaayo kag sa isá ka tión sa ulihe maguób ang pinalakpak. Si Donya Victo- rina may pagdayaw sa iya kag tubtob nga naglabay sa iya ang madulóm nga mga handum sa pagpakasal sa pamatan-on sa adlaw nga si don Tiburcio mapatáy. Si Juanito makahibaló sang pinaranses kag si de Espadaña indi! Kag sinugdan niya ang pagdayawdayaw sa iya! Apang si Juanito walâ makahibaló sang pagliwát sang padihot. sanglit nalingaw siá kutob kaina pa nga daan sa isa ka komersyante nga taga-Cataluña nga ma- lapít sa Swisong' Konsul: si Juanito, nga nakakità sa ila nga naghambal sing pinaranses, ginhanguphangop niya ang kahu- logán sa ila mga nawóng kag may bugál nga ginpaalinton niya sa ibán.
Naglalabay ang nagkalainlain nga mga kwadro, nagkatu- haytohay nga mga tinawo, mga tarso kag makahalam-ot subong sang bailli kag Grenicheux, talahàon kag makaluloyag katulad sang markes kag Germaine; ang mga tumalambong nagkadlaw sing maayo sa tampà ni Gaspard, nga tinumod sa matalaw nga Grenicheux kag binaton sang maligdong nga bailli, sa peluka sini nga naglupád paibabaw, subong man sa kinagamo kag ki- nagahod sang itunton ang telon.
