—Kag ang kankan!
Apang ang telon binatak gilayón kag nakità sa danyag ang isá ka tindahan sang mga sulogùón, nga may tatlo ka palo nga may mga hayahay nga nasulatán sing mga pasayod nga servantes, cochers, kag domestiques. Ginhimuslan ni Juanito ang kahigayunan, kag, naghambal sa tingog nga tuman kabaskog agúd mabatián siá ni Paulita agúd iní magpati sang iya kaalam, ginpatuhoy niya kay donya Victorina.
—Servantes, kon sayuron sirvientes (mga sulogùón).. domestiquer kon sayuron man domésticos (mga balaynon)...
—Kag ano ang ginkatuhayan sang servantes sa domestiques? —pangkot ni Paulita.
Si Juanito walâ makulangi.
—Ang domestiques, amó ang domesticados (mga nabuptan sa baláy); wala ka makapanilag nga ang ibán may mga hulag sang pagka-bukidnon? Silá amó ang servantes.
— Matuod! silíng ni donya Victorina. Ang ibán may tuman kabahól nga mga gawi... kag akó nga nagpati nga sa Europa ang tanán mahinhin kag... apang, anó ang nagakahanabò sa Francia... nakita ko na!
—Sst, sst!.
Apang ang libóg ni Juanito sang, mag-abót ang tión sang pagpamaligyà kag binuksan ang pintal sang balaligyàan, ang mga sulogùón nga ginhinakayan nagtilindog sa luyó sang tagsa sang mga pasayod nga nagpakilala sang ila tagsa ka sarì. Ang mga sulogùón nga napulo ukón napulò kag duhá nga lunsay huróng, nga nagpalanapót sing mga panapton nga ila sang mga sulogión, kag nagbilitbit sing mga sangá sang kahoy ang tagsa sa ila, natuon sa ubós sang pasayod nga domestiques.
—Ina ang domesticos! siling ni Juanito.
—Matuod kay may mga hulag silá nga bag-o lang maanhambal ni donya Victorina. Tan-awón naton ang mga daw bukidnon! tà,
Sang ulihe nag-alabót ang napulò kag duhá ka babác, nga ginpangulohan sang masinadyahon kag maalikaya nga si Serpolette, nga ang ila matahúm nga mga panapót lunsay napunihán, nga ang tagsa nagdalá sing pinungpong nga mga bulak sa ila mga hawak, nga nagkinadlaw, nagyuhóm, nga may pag-
