Walâ mahibal-i kon diin maghalín ang balità, ginsugid nga iya
ni Simoun. Ang huringhoring namatud-an. Walâ sing nakakità sang manog-alahás sa mga butaka, bisán sa hulót-ililisán.
bisán sa diin nga bahin.
- Apang nakità ko siá karón nga hapon sa kay Gg. Jouy! siling sang isá.
-Kag nakadulot sing isá ka kolintas sa isá sang mga artistang' babáe...
Sin-o sa ila? namangkot ang pila ka tawo.
- Ang matahúm sa tanán, yadto'ng nagsunód sang iya panulok sa Iya Taslangdon!
Mga panulok nga halangpon, pangilayay, mga hambal sa pagpangduhadoha, sa pagpamatuod, kag mga hinambal hambal nga gin-utód.
Ang hampang niya may pagka-Monte Cristo! - hambal sang isa ka babáe nga nagpakilala nga isá ka magsusolat.
Ang manogdulot sa Palasyo Real!-sugpon sang iya humalangád, nga nangimon na kay Simoun.
Sa palko sang aton mga tumoluon nabilín sanday Pecson, Sandoval kag Isagani. Si Tadeo naglakát sa paglingaw kay don Custodio, nga nagsugilanon sa iya nahanungód sang iya mga proyekto nga pinakaali, samtang nga si Makaraig nagpakigkità kay Pepay.
Walâ, nga ginsilíng ko na sa imo, abyan Isagani, hambal ni Sandoval nga kumompas sing maayo kag pinatam-is niya ang iya tingog agúd ang mga kaingod nga babae sa palko. ang mga anak sang isá ka manggaranon nga nakautang kay Tadeo, makabatì sa iya. -Walâ, ang hambal nga pinaranses walâ sing tuman nga katam-is bisán kinatuhaytohay, kag makaililà nga pagpaagisod sang pulong nga kinatsilâ. Indì akó makahangóp, indi ko mabinagbinag, indi ako makaisip nahanungód sa mga manogpamulongpulong nga pranses kag naga- duhadoha akó kon may yarà kag may maabót pa sa matuodtuod nga kahulogán sang tinagâ, sa tul-id nga paghangóp sang mga manogpamulongpulong. Kay indì naton pag-isamò ang tinagâ nga manogpamulongpulong sa tinagâ nga palahambal kag palawakal. Mga palahambal kag palawakal saráng makità sa tanan nga pungsod, sa tanán nga bahin sang kalibutan nga
