papel sa iya kamót nga hinatag niya kay Sandoval nga walâ
sing ginmitlang nga isá ka tagâ.
Binasa ni Sandoval:
"Mutyà nga Patíng: Ang imo sulát ulihé na; nakapahayag na akó sang akon pamatbat kag napakamaayo na. Wala'y sapayán, sanglit nahangpan ko ang imo hunâhonà, ginhusay ko ang palaligban sunô sa handum sang imo mga ginasakdag.
Makadto ako sa teatro kag hulatón ko ikaw sa paggwâ.
- Ang imo malulô nga sulóg,
- CUSTODINING
- Ang imo malulô nga sulóg,
- Daw and kaayo nga tawo! -Nabungát gihapon ni Tadeo nga naghumok.
-Kag maayo? - siling ni Sandoval, - walâ akó sing nakità nga malain, kundi ang baliskad!
- Huo, - sabát ni Makaraig nga nagyuhóm sing ma- paít, nahusay sunô sa aton luyag! Bag-o lang akó makapakigkità kay P. Irene!
-Kag ano ang ginhambal ni P. Irene? pamangkot ni Pecson.
-Subong man sang ginhambal ni don Custodio, kag ang pilyo nangahás pa sa pagpangibulahan sa akon! Ang Komisyon nga nag-angkon sang pamatbat sang taghukóm, nagpakamaayo sang kaisipan kag nangibulahan sa mga tumoluon sa ila balatyagon sa pagkamakibanwahanon kag sa ila handum sa pagalam...
-Hanti?
Lamang nga, tungód sang aton mga katungdanan, kag sa katuyoán, silíng niya, nga indì madulà ang kaisipán, buót singganón nga ang dapat magpangalima sang amó nga kaisi pán amó ang isá sang mga kumboyahan sa pagtuluohan, kon ang mga dominiko indì maluyag nga ilakip ang akademya sa Unibersidad.
Mga sinabatsabat sa malain nga buót ang nagsumalang siní nga mga tinagâ: Tumindog si Isagani, apang walâ siá sing ginhambal.
