- 259
-Kag agúd makita nga nagabuylog kitá sa pagdumala sang akademya, padayon ni Makaraig, kon itugyan sa aton ang pagpanukót sang mga alamután kag mga kuota, nga may katungdanan kitá sa paghatag sa ulihe sa kuymi nga pagahingalanan sang kumboyahan nga tagdumala, ang amó nga kuymi maghatag sa aton sing mga resibo....
-Hanti mahimò kita nga mga kabesa sang baranggay! tugdà ni Tadeo.
-Sandoval, siling ni Pecson, -yarà dirâ ang gwantis, pudyota!
- Aba! Inâ indì kay gwantis, apang sa iya bahin daw isa ka kalsetin.
- Kag ang masadya pa gid, padayon ni Makaraig, nga si P. Irene nagtugyan sa aton nga hiwatan naton ang hitabô sing isá ka salusalo ukón isá man ka serenata nga may mga sulô, isá ka katay sang tanan nga tumoluon sa paghatag sing pasalamat, sa tanan nga tawo nga nakahilabót sa aton palalig. ban!
-Huo, pagkatapos sang bunal, maamba kitá kag maghatag sing pasalamat! Super flumina Babylonis sedimus!
-Huo, isá ka salusalo subong sang ila sang mga binilangSiling ni Tadeo. gò!
-Isá ka salusalo diín maluto kitá tanán kag mamulongpulong sang tuhoy sa patáy, sugpon ni Sandoval.
-Kag isá ka serenata sang lanton nga marsellesa kag mga martsa sa patay, hingyù ni Isagani.
-Indì, mga ginuo,-hambal ni Pecson nga nagyuhóm nga daw kalabera. Sa pagpadungóg sa hitabo walâ sing angay ang isá ka salusalo sa isá ka pansiterya nga serbihán sang mga insik nga walâ sing bayù, apang walâ sing bayù!
Ang hingyù nga may labtik kag makahalam-ot ginpakamaayo; si Sandoval amó ang nahauná nga namalakpak; dugay na nga panahon nga luyag niya tan-awón ang sulód sang amó nga mga pansiterya nga sa gab-i daw masadya kaayo kag nagkibô sing kabuhì.
Kag gani nga sa tión nga ang orkesta naglanton sa pagsugod sang ikaduhá ka bahin sang palagwàon, ang aton mga pamatan-on nagtilindog nga bumiyà sa teatro sa katingala kag kinagulà sang tanán nga tumalan-aw.
