SI SIMOUN, sa pagkatutuo, walâ makakadto sa teatro.
Kutob sang ikapitó sang gab-i naghalín siá sa iya baláy, nga ginkugmat kag may libóg; ang iya mga sulogùón nakakità sa iya nga makaduhá magsulód nga gin-updan sang nagkalainlain nga mga tawo; sang ikawaló nasugatâ siá ni Makaraig nganaglakát sa dalan sang Ospital malapit sa kombento sang Sta. Clara, sa tión nga nagbagting ang mga lingganay sang simbahan; sang ikasyám nakità na man siá ni Pasayanlutò palibot sa teatro nga naghambal sa isá nga daw isá ka tumoluon, nagatubang sa ganhàan kag bumalik nga naghalín, kag nadulàsa mga landong sang kakahuyan.
-Kag sa akon anó? -hambal liwát ni Pasayanlutò. Ano ang makuhà ko sa pagpaaman sa banwa?
Si Basilio, sunô sa ginhambal ni Makaraig, walâ man magtambong sa palagwàon. Ang kailó nga tumoluon, kutob nga nakabalik sa San Diego sa pagbawi sa pagkasulogùón kay Juli nga iya hinigugma, nagbalik sa iya mga tulon-an, nga ginpaligad niya ang iya panahón sa Ospital, nga nagtuón ukón nagatipán kay Kapitán Tiago, nga ang iya balatìan ginbulóng niya.
Ang masakitón nagbalik sa iya pagbinatasán nga indi maantos; sa iya malain nga mga ugali, kon mabatyagán niya nga kulang ang kadamùón sang apyan nga gintinguhàán ni Basilio sa pagpahaganhagan, gin-akigan niya siá, ginpasipalahan, ginsakít; si Basilio nag-antos lamang sa balatyagon nga maayo ang iya ginhimò sa tawo nga nautangan niya sing daků, kag madulàan lamang sing pagpaumod kon indi na gid mabatás ang kalakasán nga ginhimò sa iya; kon maayawan ang iya luyag, ang gadyà sang kaduyogan, nga si Kapitan Tiago, mapakità nga maayo ang iya buót, magahumok, tawgon siá nga anák
niya, mapatulò sang iya luhà sa pagpanumdom sang mga pag-
