266
Makapilá nga hinikap ni Basilio ang iya guyá nga daw buót siá magbugtaw sa isa ka pagpanalamgo nga may kakugmat; nabatyagán niya nga ang iya agtang nagyami.
- Magpat-od ka! Sulit ni Simoun.
- Kag anó... ang akon himùon? - pangkot niya sa tingog nga lumós, hungáw, maluya.
Isá ka butáng nga mamag-an, Sabát ni Simoun nga ang iya nawong nagsanag sa isá ka guray sang paglaum. Sanglit ako ang madumala sang hublag, indi akó makapabaya sa tagsa ka hilik utón. Kinahanglan nakon nga, samtang ang bug-os nga igtalupangod sang Siudad yarà sa nagkalainlain nga mga bahin, ikaw nga mapangulo sang isa ka pelotón piliton ninyo ang pagbukás sang mga ganhaan sang kombento sang Santa Clara kag kuhàon ninyo didto ang isa ka babác nga ikaw, lwás sa akon kag kay Kapitán Tiago, amó lamang ang nakakilala... Wala ka sing masagupâ nga katalagman.
- Si María Clara! - Sabát nga may kakunyag sang pa matan-on.
-Huo, si María Clara! sulit ni Simoun, kag karón pa lang ang iya paningog may kahanusbò kag mabinatyagon, Luyag ko siá nga lwasón. sa paglwás sa iya handum ko ang magpangabuhi, nagbalik akó... ginahimò ko iní nga ribók kay ang isá lamang ka ribók amó ang makapabukás sa akon sang mga ganhaan sang mga kombento!
-Ay! silíng ni Basilio nga gintakóp niya ang iya mga kamót, nag-abót ka nga ulihé na ulihé na kaayo!
-Kag ngaa? pamangkot ni Simoun nga nagsampok ang iya mga kilay.
-Si María Clara napatay na!
Nakalukso si Simoun kag dinamhagan niya ang pamatan-on.
- Napatay siá?-pamangkot niya sa mabaskog nga tingog.
- Karón nga hapon, sang ikan-um ang taknà; karón didto siá....
- Indi matuod! - ngurob ni Simoun nga nangluspad kag nagpalang-uy-oy, indi matuod! Si María Clara buhî, si María Clara dapat nga mabuhi! Pamalibad inâ sang matalaw... walâ siá mapatay, kag karón nga gab-i lwasón ko siá ukón bwás sa aga mapatay ka!
