268
katulad sang damġuhanon, putlì, punô sing paglaum kag pagkalangitnon, ginduyan sa tungâ sang paghigugma kag mga
yuhóm, tinagnà sa isá ka pangabuhì nga malipayon, nga pagahangarón sang panimaláy kag pagatahàón sa kalibutan, kag
wala'y sapayán, sa amó nga duhá ka tinuga nga napun-an sing
gugma, nga ginpanganinaw kag ginlauman, sa malaot nga kapalaran, siá naglakát nga wala'y padulongan sa kalibutan nga
ginlalás sing walâ pahuway sang buhawi sang mga dugo kag
mga luhà, nga nagsabwag sang kalautan sa baylo nga maghimò
sing kaayuhan, ginsubol ang maayo, kag pinaluntad ang kaduyogan, samtang ang iya kahagugma nagtagumatayon sa mga
natago nga kadudolman sang Kombento, diín ginpangità niya
ang kahidaitan apang ang iya nakità amó ang mga pagbatás,
díín siá nagsulód nga putli kag wala'y dagtà kag nabugtò ang
iya ginhawa katulad sang isá ka bulak nga gindunot! ...
Pagtulog sing malinóng, wala'y kalipay nga anák sang akon wala'y palad nga pungsod. Ilubóng sa lulobngan ang mga kagayunan sang imo pagkapamatan-on, nga nalayóng sa iya pagkahamtong! Kon ang isá ka banwa indì makadulot sa iya mga lin-ay sing isá ka puloy-an nga malinóng, sa idalum sang pag-apin sang isá ka balaan nga kabilwayan; kon ang tawo sarang lamang makapapanublì sing kahuloy-an sa iya balo nga asawa, mga luhà sa ilóy kag pagkaulipon sa mga anák, maayo ang inyo ginhimò nga napatay kamó sa wala'y katapusan nga pagkaputlì, nga pinit-an ninyo sa sulod sang inyo mga dughan ang binhì sang palaabuton nga kabikahan nga pakamalauton! A maayo ka nga indi magkurog sa imo lulobngan sa pagpamatì sang singgit sang mga nagabalatás sa kadulóm, sadtóng' nagabalatyag nga may mga kuyós kag nakadenahan, sadtong mga pinit-an nga wala'y kahilwayan! Upód, upód ka sa mga damgo sang mamalaybay sa kadutàan sang kalimot, lambong sang babae nga ginasilakan sang isá ka giháy nga sanag sang bulan, ginaugoy-ugoyan sang nagalumbay-lubyok nga mga sangá sang kakawayanan... Malipayon ang mapatay nga ginahibián, ang nagbilin sa tagipusùon sang naghigugma sa iya sing isá ka putli nga larawan, isá ka balaan nga handumanan nga walâ madagtàí sang kubós nga mga kaibog nga nagdalisay sa mga tinuig! Upód, dumdumón namon ikáw! Sa putli nga hangin sang aton pungsod, sa silong sang iya
