- 271
pagpamalò sang manók, sa nabenditahan nga tubig nga sa
masunson niya gintan-ay sa iya, kag ang dalaga nagbatyag sing
kahamuot sa iya panulok nga napun-an sing binalaybay sang
paghigugma, nga ang duhá nagkulurog sa pagtusmog nila sang
ila mga tudlò nga nagdapatáy. Nagdasúndasón ang mga paghibubun-ot katulad sang magagming nga mga lupók-lupók
naggwâ sa iya dughan kag nag-alabót sa iya ang tanan nga
dinalán sang binalaybay, tanán nga tinagâ sang mga mamalaybay kag mga magsusolat nahanungód sa pagliwát sang ka-
bubut-on sang babae. Sa iya kaugalingon naghambal siá nga
may pagpakamalaot sa pagtukod sang mga teatro, sa pagpagwâ sang operetang' pranses, kag naghumót sia sa paghangkat
kay Pelaez kon makità niya. Ang tanán nga naglibot sa iya,
sa iya panan-aw naduagán sing labing' masulub-on kag tuman
kalagtum; ang bahiya, nga binayàan kag mamingaw, daw naglabí pa gid kamingaw tungód sang malakà nga mga bapor nga
dirâ napamatuhán; ang adlaw buót na masalop sa likód nayon
sang Mariveles, nga walâ sing binalaybay kag walâ sing katahuman, nga walâ sing mga panganod nga makagalanyat kag
malahalon, sa mga duág sang mga kahapunanon nga maayo ang
panahon; ang batdàan ni Anda, malaw-ay, kubós kag nagalumpigâ, walâ sing ugaling' hagyù, walâ sing pagkadalagangan:
daw isá ka sukób nga sorbete ukón kalan-unon; ang mga tawo
nga nagdalayán sa Malecon, wala'y sapayán nga may mga hulag
nga malipayon kag wala'y libóg, sa iya daw mga bugalón, matinaastaason kag hanginón; mga harásharás kag wala'y tinun-an,
ang kabataan nga naghinampang sa baybayon nga nagpaalipapáw sang manipis nga mga bató sa ibabaw sang mga balód,
ukón nagpangità sa mga balás sang mga pakinhason nga ila
ginkuhà tungod sa kaluyag lamang sa pagkuhà kag ginpamatáy nila nga walâ paghimusli; sa katapusan, patí ang wala'y
katapusan nga mga hilikutón sa pwerto nga iya ginhalaran
sing kapín sa tatlo ka binalaybay, sa iya, lunsay kabuangan,
kahalam-utan, hampang sang mga wala'y buót.
Ang pwerto, a, ang pwerto sang Manila; aláng-aláng nga, kutob sang gin-isip, nagpahibî sa tanán sa kahuloy-an! Kon
