274
sinalusalo silá sa pansiterya sa pagpadungóg sang kamatayon
sang Akademya sa Kinatsilâ.
-Ay! -uyhaw niya, katulad sang mga liberal sa España may amó man kitá dirí, sa indì madugay saráng makaisip ang Ilóy nga Pungsod sang kadamùón sang iya mga sumo-lunod!
Ang gab-i amát-amát nga nagtunton sang iya kumbong kag upód siní nagdugang ang kasulub-on sa tagipusùon sang paniatan-on, nga daw nadulàan na sing paglaum nga iya makità si Paulita. Ang mga dumalayán amát-amát nga nagbiyà sa Malecon sa pagkadto sa Luneta, nga ang iya músika nagpabati sang iya lanton nga gindalá tubtob didto sang lab-as nga hangin sang kahapunanon; ang mga marinero sang isá ka sakayán sa away, nga napamatuhan sa subâ, naghiwat sang ila hanashanas sa pagsirúm, nga nagkinamang sa magagming nga mga lubid nga katulad sang mga lawà sang damáng, ang mga sakayán nagsilindi sing sugâ sa amát-amát nga ang ila mga sanag naghatag kahayagan sang kabuhi, kag ang baybayon
- DIIN ang mahipos nga mga balód
- Ginapahanól sang huyóp sang hangin
- Sa ila kaugalingon gadahog matulin
- Kag didto sa baybay sing hinay gakumod...
suno kay Alaejos, nagpaalisngaw sa malayô sang manipis nga
mga hulas nga sang kasanag sang bulan, nga karón bug-os nga
nagdilag, ginhimo sa amát-amát nga isá ka lambong nga nagasinág kag makatilingala...
Isá ka gahod sa malayô nabatián, gahod nga nag-amát hilapít; bumalikid si Isagani kag ang iya dughan nagsugod sa pagkubákobá sing mabaskog; isá ka kotse ang nagsampot nga ginguyod sang bukáy nga mga kabayo, bukáy nga mga kabayo nga sarang makilala sa tungâ sang isá ka gatós kalibo. Sa kotse nag-abót sanday Paulita, donya Victorina kag ang abyan niya sang nagligad nga gab-i.
Sang wala pa makahimò sing isá ka tikáng ang pamatan-on nga ulitawo, si Paulita nakalukso na sa dutà nga may pag-panimbangon sang isá ka diwata kag nagyuhóm kay Isagani sa sinang' yuhóm nga napun-an sing balatyagon sa pagpakighirop liwát; si Isagani nagyuhóm man kag sa iya ang tanan nga pa-
