276
torina nalipay, kag sa pagpabilin kay Juanito, naghatag sia
kahigayunan sa mga paghigugma ni Isagani..
Si Paulita may iya nga pahitò; sa baylo nga maghatag sa iya sing pasalamat siá ang nagpakità sing malain nga buót, ang may kaaligutgot, kag mahalungon nga iya siá ginpahangóp nga natingala siá nga nakità niya siá dirâ samtang ang tanán yadto sa Luneta, lakip ang mga gumulowang' pranses nga babae...
-Ginpahanugotan mo akó nga makigkità sa imo; anó ang mahimò ko nga...
- Apang, kagab-i bisán magpasiplat ka walâ gid nga didto akó sa teatro; sa tanán nga tión gintulok ko ikaw kag walâ mo pag-ibulág ang imo mga matá sa mga babaeng cochers..." Nagbayluhanay silá sing papel; si Isagani, nga nagkadto sa pagpangayò sing kasaysayan, siá ang naghatag kag nag-batyag sing tuman nga kalipay sang hambalán siá ni Paulita nga ginpatawad siá. Kon nahanungód sa pagtambong sang dalaga sa teatro, si Isagani amó pa gani ang dapat nga mag-pasalamat sa iya; kay siá ginpilit lamang sang iya tiyà, kag nagpasugót na lamang siá sa paglaum nga makità niya siá sa tión sang pagpagwâ. Duro niya nga libák kay Juanito Pelaez.
- Ang akon tiyà amó sing iya ang may luyag! -hambal niya nga nagkadlaw sing masadya.
Nagkadlaw silá nga duhá; ang pagpakasal ni Pelaez kay donya Victorina nagpalipay gid sa ila kag ginbatyag nila nga matigayon; apang nadumdomán ni Isagani nga si don Tiburcio buhî pa kag ginsugid niya sa iya kahagugma ang likúm, sang tapos niya mapatug-an nga indi man niya pag-ipanugid sa ibán. Si Paulita nagtug-an, apang sa iya hunâhonà isugid niya lamang sa iya abyan nga babáe.
Iní nagdala sang ila sugilanon sa banwa ni Isagani, nga ginlibután sang mga kagulangan kag nahamtang sa higád sang dagat nga nagdagaas sa tiilán sang mataas nga mga dalipì.
Ang panulok ni Isagani nagsanag sang maghambal siá sadto nga madulóm nga suók; ang kalayo sang bugál nagbagáng sang iya mga pisngi, nagkurog ang iya tingog, nagbalingasó ang iya aninaw sa pagka-mamalaybay nag-ilabót sa iya
3 cochers - Mga pransesang' gumulowa.
