ANG KADAK-AN sang Pansiteria Macanista de Buen
Gusto nagtanyag sang amó nga gab-i sing isá ka danyag nga
tumalagsahon.
Napulò kag apat ka pamatan-on, gikan sa pinakatig-una nga mga pulô sang Pungsod, kutob sa pilipog nga pagka-indyo (kon balá sa ila may mga pilipog) tubtob sa tagá-pinínsula nga katsilà, nagtilipon sa paghiwat sang bangkete nga ginpanugyan ni P. Irene. tungód sang isá ka resolusyon nga ginhatag nahanungód sa ginasuayan nga pagtudlo sang Kinatsilâ. Ginhinakayan nila sa ila kaugalingon ang tanan nga latók, ginmandòán nila nga dugangan ang mga sugâ kag ginpapilít sa dingding, sa luyó sang mga dinuagán nga ininsik, iníng' makabululong nga mga tinagâ:
Sa isa ka pungsod diin ang tanan nga malaw-ay ginatabunan sing kunop sang kaligdong, diin ang kadamoan ginadalá sa kusóg sang asó kag mainit nga hangin; sa isa ka pungsod diin ang matuodtuod nga maligdong kag tunay, nagahalit paggwâ sa tagipusuon kag saráng makahimò sing gamó, ayhan inâ amó ang labing' maayo nga paagi sa pagpadungóg sang hinimò sang lutáw nga si don Custodio. Ang mga ginlahugán nagsalabát sa yauyao sing tinalangkaw, ang pastel1 sang pangulohán ginbalusan nila sing isá ka pinggan nga pansit kag kapín pa!
_____________
1 Pastel Isa ka kalan-unan nga "pie" sa iningles.
