Isá ka masadya nga kinadlaw ang sumog-alaw sini nga hambal.
-Kon mahibal-an niya inâ....
-Nagakarí siá nga nagadalagán! sugpon ni Sandoval.- Ang sinabawán manamit kaayo, anó ang pagtawág?
-Pansit langlang, iní amó ang pansit sang insik agúd nga maglain sangsa isá nga tumandok dirí sa pungsod.
-Abá! ngalan nga mabudlay sauluhón. Sa kadungganan ni don Custodio bunyagán ko inâ nga proyektong sinabawán!
Ang bag-o nga ngalan ginbaton.
-Mga ginuo, silíng ni Makaraig, nga silíng ni Makaraig, nga amó ang tagpahimos sang pagkaon, sang insik may tatlo pa kitá ka pinggan! Lumpyà nga may sakót nga unód sang baboy...
-Ihatag kay P. Irene.
- Halá! Si Padre Irene indì magkaon sang baboy nga indi makuha ang iya ilóng. hutík sang isá ka pamatan-on nga tagá-Iloilo sa iya kaingod.
- Kuhàon ang iya ilóng!
- Kakasón ang ilóng ni P. Irene! sing dulongan. sininggit sang tanán
-Katahurán, mga ginuo, kapin pa nga katahurán! -pangayò ni Pecson nga may kaligdong sang isá ka langás. - Ang ikatlo nga pinggan isá ka torta sang unód sang mga alimango...
-Ihalad sa mga prayle, sugpon sang tagá-Kabisay-an.
-Kay silá daw mga alimango, hingapos ni Sandoval.
-Matuod, kag tawgon nga torta sang mga prayle.
Nagapamatok akó sa ngalan sang isá! -silíng ni Isagani.
-Kag akó sa ngalan sang mga alimango, Tadeo.-sugpon ni
-Katahurán, mga ginuo, kapin pa nga katahuran! singgit uli ni Pecson nga nagamual.
- Ang ikap-at isá ka pansit nga ginisá nga ihalad... sa pangulohán kag sa pungsod!
