PlLIBUSTERISMO
— Maisog, maisog!
— Pamatii, —siling ni Isagani sing maligdong, —ginapahibalo ko sa imo nga kon nahanungod sa mga prayle, may isa ako nga ginatahod.
Si Sandoval nga malipayon na nag-amba:
- Isa ka prayle, duha ka prayle,
- tatlo ka prayle sa gu-u-uban
- Ang gwa sang ila mahimb subong
- sang mahimb sang isa la-a-ang!
— Pamatii mga utod: ibalik ninyo ang inyo panulok sa matahum nga mga inadlaw sang inyo pagkabata; usisaa ninyo ang panahon sa karon kag pamangkot kamo sang palaabuton. Ano ang makuha ninyo? Mga prayle, mga prayle, mga prayle! Isa ka prayle ang nagabunyag sa inyo, nagakompirma, nagaduaw sa buluthoan nga may mahigugmaon nga kaluyag; nagapamati sa inyo nahauna nga mga likum, sia ang nahauna nga mapakaon sa inyo sang Dios, sa pagpasugod sa inyo sa dalan sa pangabuhi; ang mga prayle amo ang inyo nahauna kag katapusan nga mga manunudlo, prayle ang nagabukas sang tagipusuon sang inyo mga nobya, nga sila ang nagabuot sa ila sa pitik sang inyo mga dughan; isa ka prayle ang nagakasal sa inyo, ang makapabyahe sa inyo sa nagkalainlain nga mga pulo kag nagapaagum sa inyo sang bag-o nga mga klima kag mga kalingawan; sia ang nagaubay sa inyo paghimumugto kag bisan magsaka kamo sa bitayan, didto man ang prayle sa pagbuylog sa inyo sa inyo pagpangadi kag paghibi, kag batyagon ninyo ang katawhay nga indi kamo pagpabayaan tubtob makita niya kamo nga mapatay sing maayo kag mabitay.
Labot pa, ang iya pagkamaluloy-on wala nagahingapos dira; kon patay na kamo tatapon niya ang pagpalubong sa inyo nga puno sing kadayawan, tinguhaon niya nga ang inyo bangkay mag-agi sa simbahan, magabaton sang tanan nga bulig kag mauntat lamang sia nga malipay kon matugyan niya kamo sa mga kamot sang Magbubohat nga ginpaputli diri sa duta salamat sa nag-agi nga mga pagsakit, pagpaantos kag mga pagpakahuya. Nakahibalo sang pagtulon-an ni Cristo nga nagatakop sang langit sa mga manggaranon, sila, bag-o nga mga manlulowas. matuodtuod nga mga tinugyanan sang Man-
