mga protestante nagakabuhi, kag ibilin nila ini nga taliwalà nga masinaw, putlì, natinlòán, sa bagay nga bisán luyag naton sa ulihe indì kitá makakità sing isá ka duóg nga tapukan sa
aton!"Gani, nga kon kinahanglan ang ila pagkabuhî sa kalipayan; kon diín luyag naton batakon ang aton ilóng makità naton ang mahinhin nga kamót, nga ginagutóm sang mga halók, nga nagahapay sa tagsa ka adlaw sang mga dagtà sang pagpakasalâ nga makità sa aton mga nawóng, ngaa man nga indi naton silá pagpakamahalón kag pagpatambukón kag ngaa man nga pangayùon naton ang di-matinahuron nga pagsikway sa ila? Dumdumón ninyo sa isá ka tión ang daku nga kakulang nga ibilin sang iya pagkadulà sa aton katilingban! Mga mangangabudlay nga walâ pagpahuway, nagapaayo kag nagapadamò sang mga kabikahan: nagapinutápotá nga subong sa aton karón salamat sa aton kaimon kag sa aton pagka-masulundon. ang mga prayle nagpahiuygyon sa aton sa isá ka tingób nga kapalaran. sa isá ka hugót nga binugkos, nga tuman ka hugót nga ang madamò indi makahulag sang ila mga siko! Kuhàon ang mga prayle, mga ginuo, makita ninyo kon ano ang paglimpalimpa sang baláy nga pilipinhon, makulangan sing mapag-on nga mga abaga kag bulbulón nga mga batiis. ang pangabuhing pilipinhon mangin-makatalaka nga walâ sing masinadyahon nga tingog sang prayle nga malangás kag maalikaya, walâ sing magagmay nga mga tulon-an kag mga wali nga daw ginaitik kitá sa pagkadlaw, walâ sing makahalam-ot nga ginkatuhayan sang pagpadakudakò sang nahibal-an sa magagmay nga mga bagúl, walâ sing masadya nga panugiron adlaw-adlaw sang mga sugilanon nanday Boccacio kag Lafontaine! Walâ sing mga wagkos kag mga eskapularyo, anó ang luyag ninyo nga himùon sang aton mga babae sa ulihe kon indi magkinot sang kwarta kag ayhan manginkuóm kag dalók? Walâ sing mga misa, mga pagpanobena kag mga prosesyon, diín ninyo makità ang mga pinangginggi sa paglibáng sang mga tinión nga walâ sing ginahikot? Dapat
