codio nga inuyog niya ang butkon sang magsusolat, — nga ang
tanan nga kalainan din nagahalin sa wala pagpulopapamangkot
sa mga tawo nga nakapuyo din sing madugay. Ang isa ka
proyekto sa dalagko nga sugid kag sa ibabaw sang tanan may
daku nga kahinguyangan, may kahinguyangan sa mga kabilugan nga wala kapin kag kulang, makaganyat kag mabaton gilayon . . . tungod sina!
Binag-id ni Dn. Custodio ang utbong sang iya kumalagko sa mga utbong sang mga tudlo nga inogtudlo kag sa natunga.
— May ara sina, may arti, — naghunahona si Ben Zayb nga katungdanan niya ang magsabat, sa iya sari sa pagka-mamantala, dapat nga mahibal-an niya ang tanan.
— Tan-awon mo, sang wala pa ang mga ulobrahon sa Dulongkaan, naghatag ako sing isa ka proyekto, kaugalingon nga isip, mahapos, mapuslanon, diutay ang mahinguyang kag sarang mahimo sa paghawan sang mga bahura sa Laguna, kag wala mabaton kay wala sini!
Kag ginsulit niya ang amo man nga hagyu sang iya mga tudlo, kag pinakibo niya ang iya mga abaga, tinulok niya ang tanan nga daw masiling sa ila: May nasayran kamo sang amo man nga malaot nga palad?
—Kag sarang mahibal-an kon ano nga bagay? Kag . . . ? — O! — nabungat nga may kakunyag sang isa kag isa nga nagpalapit kag naghuluyog sa pagpamati. — Ang mga proyekto ni Dn. Custodio mga bantog katulad sang mga ginatudlo nga bu long sang mga manogbulong.
Si Dn. Custodio daw mamat-od na nga indi magsugid sa ila kon sa ano nga bagay, kay naglain ang iya buot nga wala sia sing nakita nga mga kaapin sa iya pagpakigbais batok kay Simoun. “Kon wala gani sing katalagman luyag ninyo nga maghambal ako, ha? Kag kon may ara mahipos kamo?” Ang buot niya isiling; apang nagapaumod sia kag ang proyekto, sanglit indi man matigayon, tuman na nga mahibal-an lamang kag dayawon.
Tapos sang duha ukon tatlo ka pagpahubot sang aso, sa pag-ubo, kag sa pagpanupla sa buhb sa kilid sang bapor, pinangkot niya si Ben Zayb nga linagpi niya sa tuhod:
— Nakakita ka sang mga pato?
