Page:Ang-Pilibusterismo-Hiligaynon-ni-Jose-Rizal-1964.pdf/310

292

PILIBUSTERISMO

buhinan ang ila mga hilikutón sa baláy kag sa baylo nga magbasa sang makalilingaw nga mga sugilanon sang mga milagro,dapat naton sila hatagan sing mga hilikutón nga walâ man!Kuhàon ang prayle, kag madulà ang pagpanginmatay sa du.tang' natubban, ang mga ugali sa paghimanwa pagabut-an sang mga timawà;kuhàon siá kag ang indyo madulog sa pagkabuhi; ang prayle amó ang Amáy, ang indyo amó ang Hambal; ang nahauná amó ang nagahulag. kag ang ikaduhá amó ang estatwa, kay ang tanan nga amó kitá, ang aton ginahunâhonà kag ginahimò, sa prayle nautang naton sa iya pagpaumod, sa iya mga kabudlay, sa iya dalayon nga paghimud-os sa tatlo ka gatós ka tuig sa pagbanhay sang aton dagway nga ginhatag sa aton sang Kinaugali! Kag ang Filipinas nga walâ sing prayle kag walâ sing indyo, anó ang mahanabò sa kailó nga pangulohán sa mga kamót sang mga insik?

-Makaon siá sang torta nga mga alimango! sabát ni Isagani nga ang pamulongpulong ni Pecson nagpainit sang iya ulo.

-Kag ano ang dapat himùon? Tuman na ang mga pamulongpulong!

Sanglit wala pa magpakita ang insik nga madalá sang linutò, nagtindog ang isá sang mga tumoluon kag nagkadto sa likod nayon, sa balkon nga nagatamód sa subâ; apang bumalik siá gilayón nga naghagyò sing tagù.

-Ginapanilagán kitá; nakità ko ang tawo ni P. Sibyla!

- Uho? - may kabulong nga nabungát ni Isagani nga tumindog.

-Walâ sing pulós; sang makita niya ako lumakát.

Kag pumalapit sa bintanà, lumantaw siá sa plasa. Sang ulihe naghagyò siá sa iya mga kaupdanan nga magpalapít Nakità nila nga naghalín sa ganhàan sang Pansiterya ang isá ka pamatan-on nga nagtulok sa tanán nga bahin kag nagsulód kabuylog sa isá nga walâ makilali sa isá ka kotse nga naghulát sa higád sang asera. Kotse yadto ni Simoun.

-A! hambal ni Makaraig,-ang ulipon sang Bise Rektor nga ginaalagarán sang Agalon sang Heneral!