- Ang tingog sang banwa tingog
- sang Diwa.
- Ang tingog sang banwa tingog
GINBAYAAN NATON si Isagani nga naghambal sa iya mga abyan. Sa tungâ sang iya kakunyag, ginpalapitán siá sang isa ka kapista1 sa pagsugid sa iya nga si P. Fernandez, isá sang mga propesor nga mataas, maluyag maghambal sa iya...
Nagliwát ang nawóng ni Isagani. Si P. Fernandez, sunô sa iya, isá ka tuman ka talahaon nga tawo; isá siá nga ginhilway niya kon hambalón ang malain nahanungód sa mga prayle. -Kag ano ang luyag ni P. Fernandez? - pamangkot niya.
Ang Kapista pumakinhol sang iya mga baga; batok sa kabubut-on sinunód siá ni Isagani.
Si P. Fernandez, yadto'ng pari nga nakità naton sa Los Baños, naghulát sa iya hulót, nga mabug-at ang nawóng kag masulub-on, nagsampok ang iya mga kilay nga daw nagpadalum sang iya panumdoman. Tumindog siá sang makità niya nga nagsulód si Isagani, nagyaób siá nga gintanyag ang iya kamót, kag tinakpan niya ang ganhàan; sang ulihe naglakátlakat siá halín sa isá ka higád pakadto sa isá man ka higád sang iya hulót. Si Isagani nga nagtindog naghulát nga hambalán siá.
-Gg. Isagani, hambal niya sa katapusan sa paningog nga may diutay nga pagkurog, nga pagkurog, -kutob sa bintana nabatián ko ikaw nga naghambal ngaa man, sanglit isá ka anusón nga subong sa akon, may maayo akó nga mga palamatin-an, kag
____________
1-Capista Isa ka bumalantay sa ganhaan sang unibersidad nga nagatuytoy pasulód sang dumuloaw sa iya pagakadtoán.
