—Hanti, manaladsad kitá sa magagmay nga mga butáng...
—Huo, kay kon tandugón naton ang sadsaran, malumpag naton paidalum ang balay.
— Hanti makadto kitá sa magagmay nga mga butáng. pabayaan naton ang bahin sang mga pagsulondan,— sabát ni Isagani nga nagyuhóm.—Kag indi man akó maghambal sang akon kaugalingon nga kaisipan, kag pinahagpok sang pa matan on ang iya mga tinagâ, ang mga tumoluon magauntat sa ila ginahimò kag pahumukon nila ang ila pagpakatig-a kon ang mga propesor magtalupangod sa pagbilang sa ila sing maayo sangsa tubtob karón ginahimò nila... Ini yarà sa inyo. mga kamót.
— Anó? — pangkot sang dominíko.— May isumbong ang mga tumoluon sa akon pamatasan?
— Padre, nagkaisahay kitá kutob sang pagsugod nga indi kitá maghambal nahanungód sa imo ukón sa akon man. Mahambal kitá sang kabilugán; ang mga tumoluon wás nga walâ sing nakuha nga dalagkò nga kapuslanan sang nagliligad nga tinuig sa mga klase, masunson nga ang kadamòan nagbilin didto sang mga salin sang ila dungóg, kon indi sang ianán...
Kinagát ni P. Fernandez ang iya mga bibig.
—Walâ sing nagapilit sa ila sa pagtuón; ang mga kaum. han walâ matalauma, —hambal niya sing mamalá.
— Huo, may arà nga nagapilit sa ila sa pagtuón — sabat ni Isagani sa amó man nga paningog nga gintampad niya ang dominiko. Lwás sang katungdanan sang tagsatagsa sa pagpangità sang iya kahimpitan, may yarà nga dunâ nga handum sa tawo sa pagpadakô sang iya kinaalam, handum nga labí nga nagabaskog dirí kon labi nga pagpunggan; kag ang nagahatag sang iya bulawan kag sang iya kabuhi sa Pangulohán, may kinamatarong sa pagpangayò sa amó nga Pangulohán nga hatagan sia sing kasanag agúd magmaayo ang iya pagtigayon
