SI BEN ZAYB MAY balatyagon sang manalagna sa pagpamatuod sang nagligad nga mga inadlaw sa iya pamantalaan nga ang pagpanudlo makahalanusbo gid sa Islas Filipinas: karon tungod sadto’ng nagkahanabb sadto’ng Byernes sang mga pagpamaskin, namalo ang magsusolat kag nag-amba sang iya kadalag-an, nga nagpakadiutay kag nagpalibog sa iya kasumpong nga si Horatius, nga nagpangahas sa pagyaguta sa iya sa bahin sang Pirotecnia1 sa masunod nga paagi:
Gikan sa amon kasubong nga El Grito:
“Ang pagtudlo makahalanusbo, makahalanusbo gid sa Islas Filipinas!”
Nahangpan.
Dugay na nga ang “El Grito” buot magpakilala sang banwang’ pilipinhon; ergo, subong sang ginsiling ni Fray Ibanez, kon nahangpan niya ang latin.
Apang si Fray Ibanez nagapaka-Moros kon magsulat, kag nahibal-an naton kon ano ang pagbilang sang mga Moros sa pagpanudlo.
Nagapamatuod, suno sa ginhambal sang isa ka bantog nga mangwawali, ang bibliyoteka sa Alexandria!
Karon may kinamatarong sia, si Ben Zayb! Kon sia lamang ang makapanghunahona sa Filipinas, sia lamang ang makapanan-aw sang mga hitabo!
Sa pagkatutuo, ang balita nga may makita nga mga pamaskin batok sa mga punban sa mga ganhaan sang Unibersidad, indi lamang nga nagkuha sang luyag sa pagkaon sa madamo kag nagtublag sang pagpatunaw sang kinaon sa iban, kundi nga hagpakibang man sa nag-uloghad nga mga insik, nga wala ____________
1 Pirotecnia — Ang kinaalam sa pagpanghimo sang mga palalukpon.
