Page:Ang-Pilibusterismo-Hiligaynon-ni-Jose-Rizal-1964.pdf/334

286

PILIBUSTERISMO

na magpangahas sa pagpungkò sa ila mga balaligyaan nga naghatak sang isá ka batiis sunô sa ila kinabatasan, sa kahadlok

nga makulangan silá sing panahon sa pag-untay sa pagdalagan. Ikanapulò kag isá ang taknà sa aga, bisán ang adlaw nagpadayon sang iya paglakát kag ang Iya Taslangdon. ang Kapitan Heneral, walâ magpakità sa atubangan sang iya madalag-on nga gubán sang mga soldado. apang ang makibang nga balatyagon nagdugang: ang mga prayle nga masunson nagkadto sa basár ni Quiroga, walâ na magpakitâ kag ini nga tiliman-an nagpakilala sang makahaladlok nga kinagubot. Kon ang adlaw nagbutlak nga kwadrado kag ang mga Kristo, nagsuluót sing mga pantalón, si Quiroga walâ pa pagkugmatá sing tuman; ayhan ginbilang niya ang adlaw nga isá ka liampo² kag ang balaan nga mga larawan mga manoghampang sang chapdiqui³ nga nawalaan sing mga bayù; apang indi magkadto ang mga prayle labí na gid kon may bag-o mag-abót sa ila nga mga

kalatingalahan!

Sa bilin sang iya abyan nga probinsyal⁴ si Quiroga nagdumili sa pagpasulód sa iya mga baláy nga halampangan sang liampo kag chapdiqui sa tanár nga indyo nga indi niya dumaan nga mga kilala; ang palaabuton nga konsul sang mga insik nahadlok nga kuhàon ang mga kwarta nga dirâ ginparót sang mga wala'y palad. Sang tapos niya matatap ang iya balaligyàan sa bagay nga saráng niya matakpan sa gilayón sa tión nga masakûsakô, nagpabuylog siá sa isá ka bumalantay nga beterano sa malip-ot nga dalan nga nag-ulót sa iya balay sa iya ni Simoun. Nakità ni Quiroga nga amó na yadto ang kahigayunan nga labing maayo sa paggamit sang mga pusil kag mga bala nga yarà sa iya alamasin, sa bagay nga gintudlò sa iya ni Simoun: ginpaabót nga sa masunod nga mga adlaw magahiwat sing mga pangusisà kag gani nga, pilá ang mabilanggò. pilá ka tawo ang mahadlok nga indi maghatag sang ila mga tinagò! Isá iní ka hampang sang dumaan nga mga karabinero ang pagpanuksok sa silong sang mga balay sang mga abano kag mga dahon-tabakò nga gindumilian, kag, maghimûhimò sa ulihe sing isá ka pangusisà kag piliton ang kailó

______________

² Liampo —Isa ka sugál nga ininsik.

³Chapdiquí —Isá man ka sari sang sugál nga ininsik.

⁴Provincial—Isa ka punoan sang simbahan nga katoliko.