— Abá, nyora, sabát sang isá ka tumoluon nga nagpuyô sa Parián,— naluthang na!
—Ginluthang! Ilóy ko! Wala pa niya mabayari ang iya utang sa akon!
— Ay! indi ka maghambal sing mabaskog, nyora, basì maumid pa ikaw! Ginsunog ko na gani ang libro10 nga gin- pahulam niya sa akon! Basi rikisahon kag makit-an; magandam ka, nyora!
— Nabilanggo na kunó si Isagani?
—Buángboáng man yadto si Isagani, hambal sang tumoluon nga naakig. - Walâ kuntani siá pagdakpa, apang nagkadto siá sa pagsungkà! Ayhan linuthang!
Ang babáe pumakinhol sangiya mga abaga.
—Sa akon walâ sia sing utang! Kag ano ang himùon kay Paulita?
— Indi makulang sa iya ang nobyo, nyora. Ayhan mahibi man siá sing diutay, sa ulihe mamana siá sang isa ka katsilà!
Ang gab-i isá sang labing masubô. Sa kabalayán ginpangadi ang rosaryo kag ang matinuohon nga mga babae, nagpalangadi sang mga padrenuestro kag mga requiem sa mga kalág sang ila mga himatâ kag mga abyan. Sang ikawaló ang taknà sa gab-i halos makità ang naglalakát sa mga dalan: lamang sa tión kag tión mabatián ang hiríhiri sang isa ka kabayo nga sa iya mga kilid naglungkagay sing magahod ang isá ka sable, sang ulihe ang pamito sang mga gwardya, ang mga kotse nga nag-alagi sa bug-os nga kadasigón nga daw ginlagás sang mga gamó sang mga mabinatukon.
Wala'y sapayán indi sa tanan nga bahin nga nga naghari ang kakugmat.
Sa isá ka platerya diín nagdayon si Plácido Penitente, ginsugilanon man ang nagkahanabò kag nagbinaisbais silá sing may kahilway.
10 Ang libro— Ginapahanungod sa Noli me tangere, ang nahauna nga nobela sang Tagsulat. Ang tanan nga pilipinhon nga may iya sini, ila gintago sa pitó ka aníb sang duta; apang sa sini iya nga mga hitabo (sa nabela), ang libro ginsunog, agúd ang tag-angkon indi mabutang sa malain. Sang tuig 1872, ang pilá sang mga ginhukman nga bilangguan, ginbilanggo silá tungod la- mang sa sayóp nga may ila silá sang isa ka libro nga maki-bilway sang ban tog nga propesor nga si Dn. Rafael Maria de Labra.
