Page:Ang-Pilibusterismo-Hiligaynon-ni-Jose-Rizal-1964.pdf/343

325

NAHADLOK

nagbalantalà sang mga nagkalapukan kag nagkaladanlog, nga nakatapak sa mga panit sang saging, kag, sanglit kulang sing mga balità, si Ben Zayb napilitán sa pagpanaysayon sing malawig nahanungód sang isá ka buhawi nga sa América naghalit sa mga banwa kag nangin-kabangdanan sang kamatayon sang kapin sa duhá ka libo ka tawo. Sa matahúm nga mga panaysayon nagsilíng siá:

"Ang balatyagon sa kaluoy, nga LABING GINATAGO SA MGA BANWANG KATOLIKO SANG- SA IBÁN, kag ang handumanan sadto nga gintulód sang amó man nga balatyagon nag-antos nahanungód sa katawohan, makatandog sa aton (igu) sa pagbatyag sing kaawà sa malaot nga kapalaran sang aton mga kasubong kag magpasalamat kay sa sini nga pungsod, nga ginsakit sing tuman sang mga buhawi, walâ makità ang mga talan-awon nga tuman ang kahalitan subong sadto ng nasaksihán sang mga pumoluyò sa Estados Unidos!"

Si Horatius walâ magpaligad sang kahigayunan kag, wala man maghambal nahanungód sang mga patáy, bisán nahanungód sang kailó nga indya nga ginpatay, bisán sang mga pagpanakit, sinabát niya siá sa iya Pirotécnia:

"Sang tapos ang madamò nga pagkaluoy kag madamò nga pagkabalaka nga tawhanon, si Fray Ibañez, si Ben Zayb galî, nagpalip-ot sa pagpangayo nahanungod sa Filipinas.

Apang nahangpan.

Kay indi katoliko, kag ang balatyagon sang kaluoy labí nga indi maathagán kbp. kbp. kbp.