- Talis vita finis ita1
SI KAPITAN TIAGO may maayo nga katapusan, ang buót silingón, nga ang paglubóng sa iya katulad sang malakâ lamang. Pat-od nga ang kura sang parokya naghambal kay P. Irene, nga si Kpn. Tiago napatay nga walâ makakompesar, apang ang maayo nga parì, nagyuhóm nga may pagyagutâ. kumalot sang utbong sang iya ilóng kag magsabát:
—Abá, akó ang sugiran ninyo sinâ! Kon idumili naton ang pagpamendita sa tanán nga mapatáy nga walâ makakompesar, malimtan naton ang De profundis!2 Inâ nga mga pag. sulondan, sa nasayran nimo sing maayo, ginapatuman kon ang makasasalà wala man sing ibayad, apang. kay Kpn. Tiago!... Indì mahimò! Sing ang dîmatinuohon nga mga insik ginpalubóng nimo kag may misa pa nga requiem!
Ginhingalanan ni Kpn. Tiago nga tagbuót sang iya mga binilin si P. Irene, kag ginpapanublì niya ang iya mga pagkabutáng nga ang bahin sa Sta. Clara, bahin sa Papa, sa Arsobispo, sa mga Kumboyahan sa pagtuluohan, nga nagpabilin sing duhá ka pulò ka pesos sa mga matríkula sang mga imol nga tumoluon. Ini nga katapusan nga bahin gindikta sa hingyù ni P. Irene, sa iya pagka-sumalakdag sang mga pamatan-on nga mahugod magtuón. Ginsikway ni Kpn. Tiago ang inogpanublì nga duhá ka pulo kag limá ka pesos kay Basilio, tungód sang buhat nga di-mabinaluson nga ginhimò sang pamatan-on sang naulihé nga mga inadlaw, apang pinabalik ni P. Irene kag
1 Talis vita finis ita - Kon ano ang pangabuhi amó man ang katapusan. 2 De profundis - Gikan sa kaidadalman.
