This page has been proofread.
330
Si donya Patrocinio, ang dumaan nga kaindis ni Kapitán Tiago nahanungod sa pagtuluohan, naghandum sing hugót nga mapatay man sa masunod nga adlaw agúd nga matigayon niya ang mga kahiwatan sa paglubóng nga maglabí pa ka dalayawon. Ang matinuohon nga tigulang indi makabatás nga yadto siá, nga ginbilang niya nga iya na nalutos tubtob kon san-o, sa iya pagkamatay mabanhaw pa nga paghalaran sing tuman nga kadayawan. Huo, naghandum siá nga mapatáy man kag daw ginpamatián na niya ang may kakunyag nga hinambalhambal sang mga tawo nga nagtambong sa iya mga responso:
- Amó iní ang tutuo nga paglubóng! Iní buo, ang makahibaló mapatáy, si donya Patrocinio.
