- Si P. Camorra, ang kura! -silíng sang tingog. Kinagát ni Juli ang iya mga bibig kag naunáy siá sa masagil-um nga pagpainuino.
Tungod sa krimen sang iya amáy, ang lolo ginbilanggò nila. nga ginpaabót nga sa amó nga kalalangan masungkà ang anák. Ang makahatag lamang kay Basilio sing kalwasan amó si P. Camorra, kag si P. Camorra nagpakità sang kalain sang iya buót sa mga tinaga sang kabalaslan kag sa iya kinaandan nga pagkatalunghayag nangayò siá sang mga buhat sa paghinulsol... Gani nga kutob sadto naglikáw si Julí sa pagpakigkità sa iya, apang ginpahalók siá sang kura sa iya kamót, pinislit ang iya ilóng. ang iya mga pisngi, ginlahugán niya siá nga ginpangilayán kag nagkadlaw. nagkadlaw nga kinusî niya. Si Juli amó ang kabangdanan sang pagtampà ni P. Camorra sa pilá ka pamatan-on nga lalaki nga naglibot sa baryo, sa pagharana sa mga dalaga. Ang mga madinuhaduhaon, sang makità nila siá nga naglabay nga maligdong kag nagdukô, nag. halambal silá sa bagay nga nabatián niya silá:
- Kon luyag niya. si Kabesang Tales saráng maindultohán!
Ang pamatan-on nga dalaga nagsampot sa iya baláy nga masulub-on kag ang iya mga matá naglibot.
Si Juli nagliwát kaayo; nadulà ang iya kalipay, walâ na sing nakakità sa iya nga nagyuhóm. halos nga naghambal kag tubtob nga daw nahadlok siá nga makità ang iya nawóng. Isá ka adlaw nakita nila siá nga may daku nga bulíng sang uling sa guyá, siá nga sa masami naglakát nga mahipid kag may kaligdong. Makaisa nga namangkot siá kay utod Bali kon balá ang naghilikog nagkaladto sa impyerno.
- Matuod gid. sabát sang babae, kag nagpanaysayon sa iya sang duóg nga daw nakadtoán gid niya.
Sa pagbilanggo kay Basilio, ang kubós kag mabinaluson nga mga himatâ naghingyò nga maghimò sang tanan nga pagantos sa paglwás sa pamatan-on nga lalaki; apang sanglit sa
