— Kailo man si P. Camorra! — nabungat ni Ben Zayb nga bumatyag sing kaluoy. —Tuman sia ka malipayon, may maayo sia nga tagipusuon!
May kamatuoran nga ang mga tumoluon nakabawi sang ila kaluwasan salamat sa pagpaninguha sang ila mga himata, nga wala magkahilak sang mga kahinguyangan, mga dulot kag sang maskin ano nga pag-antos. Ang nahauna nga nakit-an nga nalwas amo, nga ginpaabot, si Makaraig, kag ang katapusan si Isagani, kay si P. Florentino wala mag-abot sa Manila kundi sang isa ka semana tapes makaligad ang mga nagkahanabo. Madamo nga buhat sa kaluoy nakahatag sa Heneral sing hayu sa pagkamaluluy-on kag mapinatugsilingon, nga gindalidali ni Ben Zayb idugang sa iya malawig nga lista sang mga adhetibo?2
Ang isa lamang nga wala makatigayon sang iya kaluwasan amo ang kailo nga Basilio, nga ginsumbong pa nga sa iya kaugalingon may nasapwan nga mga tulon-an ng? gindumilian. Wala naton mahibal-i kon nahanungod bala sa Medicina Legal y Toxicologia ni Dr. Mata, ukon sa pila man ka tinangkas nga nasapwan sa iya nahanungod sa Filipinas ukon sa duha nga ina ka butang; kag ginsugid man nga namaligya sia sa tagu sang mga balasahon nga gindumilian kag sa kailo nahulog ang tanan nga bug-at sang timbangan sang hustisya.
Ginsugid nga ang Iya Taslangdon ginhambalan nila:
— Kinahanglan nga may isa nga mabilin agud malwas ang ngalan sang gahum kag indi masiling nga naghimo kita sing madamo nga gahod sa wala’y kapuslanan. Ang gahum sa ibabaw sang tanan. Kinahanglan nga may mabilin nga isa!
— Nabilin ang isa lamang, isa nga, suno kay P. Irene, suloguon anay ni Kpn. Tiago ... Wala sing nagkuha sa iya...
— Suloguon kag tumoluon? —pangkot sang I. T. —Hand ina, magpabilin ina!
— Pahanugotan mo ako, Taslangdon, —hambal sang mataas nga alagad nga natabban lamang didto, —apang nakahambal sila sa akon nga ina nga bata isa ka tumoluon sa Pagpamulong, ang iya propesor nagahambal sing maayo tungod sa
2 Adjetivo — Panari ukon pagpakilala sang sari sang butang.
