This page has been proofread.
350
kotse, — dumdumón ninyo nga sa España walâ makulang ang
mga tagipusuon nga nagbalatyag tungod sa inyo kag nagpaninguha sa inyo mga kinamatarong.
—Diín, ginuo?— sabát sang sulogùón nga walâ makahangóp sa iya kag namangkot kon diín siá makadto.
Sang duhá ka taknà sang ulihe, ang mataas nga alagad naghatag sang iya sulát sa pagbiyà sa iya palangakòan kag nagpahibaló sang iya pagbalik sa España sa masunod nga koreyo.4
4 Maathag nga ginapahanungod iní kay Dn. Jose Centeno y García, maalam nga inhenyero sa mga dulangán, nga nangin-sal-i nga gobernador sang Manila sang Marso 1, 1888, sang pagpangayo sang pilá ka pilipinhon kay Heneral Terrero nga pahalinón ang mga prayle sa pungsod. Si Gg. Centeno patod nga nagtindong sa luyó sang mga pilipinhon, kag iní silá padayon nga nagpadungog kag nagpakamahal sang handumanan sang dalagangan nga katsila.
