TUNGOD SA MGA nagkahanabò nga gin-asoy, madamò nga iloy ang nagtawag sang ila mga anák nga mag-untat gilayón sa pagtuon kag magpalahuwáy ukón magpanguma.
Sang mag-abót ang mga eksamen, nagdamò ang pinauntat sa pagtuón kag pinasahî ang nakatapos sang kurso, kon siá nasakop sa bantog nga talapùanan nga walâ na sing isá nga nagsapák. Sanday Pecson, Tadeo kag Juanito Pelaez subong man nga pinauntat; binaton sang nahauná ang pagpauntat sa iya sa pangyuhóm nga daw iya sang lungóslungós kag nagpasalig nga masulód bilang isa ka alagad sa isá ka maskin anó nga hukmanan; si Tadeo sa iya wala'y untat nga pagligóy sa katapusan, bumayad sa pagpatutod sang tinumpokán sang iya mga tulon-an; ang ibán walâ man maghalalín nga nahilway sing maayo kag sa katapusan ginbayaan nila ang ila mga pagtuón, sa daku nga kalipay sang mga ilóy, nga sa dalayon nagpanan-aw sa ila mga anák nga ginpamitay kon mahibalan nila ang mga natugon sa mga tulon-an. Si Juanito Pelaez lamang ang nagpakalaut sang pagpahalín, kag talikdan niya ang buluthòan tubtob kon san-o sa pag-alagad sa almasín sang iya amáy, nga sa amó kakumboya siá nga daan sa iya palatikangan: nasalapòan sang langáslangás nga ang balaligyàan indi makalilingaw, apang ang iya mga abyan, sang pagligad sang malip-ot nga panahón, nakità nila nga nagtiundò na man ang iya buklod sa likód, nga amó ang timàan nga nagbalik uli ang iya maayo nga kabubut-on. Ang manggaranon nga si Makaraig, sa atubangan sang kalaglagan, nangandam sing maayo sa pagpakità sa Iwás kag, sang matigayon niya ang pasaporte¹ sa kusóg sang pilak, sumakay nga nagpa-Europa: saráng masiling nga ang I. T. nga Kapitán Heneral, sa iya han-
1 Pasaporte — Pahanugot sa pagkadto sa ibán nga pungsod.
