353
ANG MGA NAHANABO SA MGA PAMASKIN
manggaranon nga manog-alahás mahatag sing isá ka daku nga pandot, isá ka sinalusalo nga walâ pa makità sang ibán, sa isá ka bahin sa pagpasalamat sang iya pag-ayo, sa isá man ka
bahin sa pagpaalam sa pungsod diín niya ginpadako ang iya manggad. Ginlıutikhotik, nga matuod, nga si Simoun malakát kabuylog sang Kapitan Heneral, nga ang iya paggahúm matapos sa Mayo, mahimò sang tanan nga paghimud-os sa pagtigayon sa Madrid sang pagpadayon sang iya paggahúm kag naglaygay sa I. T. nga maghiwat sing isá ka kampanya agúd may mga kabangdanan nga magpabilin siá, apang ginhambal man nga ang Iya Taslangdon, amó pa lang, nga walâ magpamati sa mga laygay sang iya kahirop, nga ginbilang niya nga malaw-ay sa iya kadungganan ang maghawid sing maskin isá lamang ka adlaw sang gahúm nga ginhatag sa iya, hinutikhotik ng makapapati nga ang pinabalahubà nga pandot pagahiwaton sa labing' madali. Si Simoun, labot pa, nagpadayon nga indi masulód; halos pa siá mapalapitán, diutay na lang ang makapakigkità sa iya, kag nagyuhóm sing tagù kon hambalón siá nahanungód sang ginapabalahubà nga pandot.
— Halá, Gg. Simbad, — hambal sa iya isá ka tión ni Ben
Zayb. — Pakitai kami sang mga butang nga iningles! Labí
pa, kay madamò ang nautang mo sa sini nga pungsod.
— Sa walâ sing duhadoha, — sabát niya nga nagyuhóm
sing mamalá.
— Buksan mo ang ganhaan sang imo baláy. ha?
— Mahimò, apang lamang nga wala akó sing baláy...
— Kuntani tinabà mo ang baláy ni Kapitan Tiago nga sa
walâ sing bayad kinuhà ni Gg. Pelaez!
Si Simoun naghipos kag kutob sadto talagsa siá makità sa
almasín ni don Timoteo Pelaez, nga sa siní ginsugid nga siá
nagpakigkumboya. Senemana sang ulihe, sang bulan sa Abril,
nagdalagan ang sugilanon nga si Juanito Pelaez, nga anak ni
don Timoteo, mapakasál kay Paulita Gomez, ang pamatan-on
nga babae nga ginkailàan sang mga tumandok kag mga dumoluong.
— May mga tawo nga mapalaron! — hambal sang ibán nga
mga pumalatikang nga nahisà. —Matabà sang isá ka baláy
nga wala'y bayad, mabaligyà sing maayo sang iya bahin sang
