lóm nga mga tinagâ nga nabasahán niya sa iya mga komunyon: "Nián nag-abót na ang bulahan nga taknà! Nián nagahilapít na ang tión nga mahimayàon! Sa madali matuman sa imo ang dalayawon nga mga tinagâ ni Simoun: "Nagakabuhi akó, indi akó lamang kundi ang Kapitan Heneral nagakabuhî sa akon," kbp. Ang Kapitan Heneral, nga paninoy sang iya anák! Sa kamatuoran walâ siá magtambong sa pagkasál; si don Custodio amó ang nangin-tiglawás niya, apang makarí siá sa pagpanihapon, kag madalá siá sing isá ka dulot sa kasál. isá ka lámpara nga bisán ang iya ni Aladin... (sa aton lamang).. ...si Simoun ang mahatag sang lámpara. Timoteo, ano pa ang imo luyag?}}
Ang pagliwát nga ginhimò sa baláy ni Kpn. Tiago daků kaayo; ginhatagan sing bag-o kag matahúm nga dagway; ang asó kag bahù sang apyan bug-os nga nadulà. Ang masangkad nga salas, nga ginpasangkad pa gid sang dalagkò nga mga espeho nga nagpadamò sa indi maisip sang mga sugâ sang mga aranya, lunsay tanán naalpombrahán: ang mga salón sa Europa may mga alpombra, kag bisán nga ang salóg daw salaming sa kahining kag malagpad ang mga tapì, dapat man nga butangán sing alpombra ang sa iya, kay walâ sing nakulang! Ang malahalon nga silyeriya ni Kpn. Tiago nadulà, sa baylo makita ang lain, katulad sang gingamit ni Luis XV; dalagkò nga mga kortina nga pulá nga tersyopelo, nabordahán sing bulawan, nga may mga tigbató sang mga kinasál kag napakabit sa halughog sang mga bulak sang kabugaw nga ditunay, nagkalabit sa mga ganhaan kag nagsalangyad sa salóg nga may malagpad nga mga sidsid, nga bulawan man. Sa mga pamusod makità ang dalagkò nga mga maseterang' hapones nga nabal-utbal-otan sang ibán gikan sa Sevres, nga lunsay asúl nga malagtum, nga natungtong sa mga pedestal nga kwadrado nga kahoy nga may dibuho. Ang isá lamang nga indi maayo amó ang mga kromo nga silyon nga gin-ilis ni don Timoteo sa mga dumaan nga grabado kag mga litograpiya1 sang mga santos ni Kpn. Tiago. Si Simoun walâ maalungáy sa iya; ang komersyante indi makauyon sang mga kwadrong' dinuagán sa oleyo, kay basi singganón sang ibán nga hinimò
1 Litografía - Gutib sang mga tinaga ukón larawan sa bate.
