—Indì Gg. Simoun, -sugpon ni Basilio sa tingog nga daw may lahóg. Maayo pa nga suliton mo sa iya iní nga binalaybay sang aton man abyan nga si Isagani:
- Tubig kami, siling 'nyo, kamó inyo ka'ayo;
- Mahimò, kon anó ang naluyagan ninyo!....
- Magapuyó kitá nga may pagkaaliwanay,
- Kag sa kalayo di gid kami magpakig-away;
- Kundi nga ginpaugyon sang maa'am nga agham*
- Sa sulód sang mainit nga mga ka'alay'han,
- Nga wala sing paminghal, wala kaakigón,
- Ikalimang kusog usbong himùon naton,
- Kauswagan, kabuhi, sanag kag kahub'agan!6
—Halandumon, halandumon!— mamalá nga sabát ni Simoun, ang makina makità na...imnon ko anay ang akon serbesa.
Kag wala na magpaalam binayàan niya ang duhá ka magabyan.
— Apang, naanó ka karón nga daw sa mangaway ka?— pamangkot ni Basilio.
—Walâ, walâ ko masayri, apang inâ nga tawo nakapakugmat sa akon, halos nakapahadlok.
—Ginasikól ko ikaw; walâ ka makasayod nga inâ ginatawag nila kay Kardenal nga kayumanggì?
—Kardenal nga kayumanggì?
—Ukón kay Taslangdon nga Maitúm, kon luyag nimo.
— Walâ ko ikaw mahangpi!
— Si Richelieu may isá ka palamangkutan nga capuchino7 nga gintawág kay Taslangdon Gris; hantì iní siá amó man kon sa Heneral...
—Matuod?
—Sunô sa nabatián ko sa isá... nga masamí nagahambal sing malain nahanungód sa iya sa likód, kag nagadayaw sa iya kon nagaatubang.
_________________
* Agham—Ciencia,
6 Nasayran sa Filipinas nga ang mga katsile amó ang kalayo kag ang mga pilipinhon tubi: ang nahauná nagahublag; ang ikaduhá nagapahimuyong. Talupangdan ang kahulogán sang binalaybay nga ginapahanungod sa paghimanwa, kag ang iya tuyo sa pagpahiabyan sang duhá ka butang: Mapuya kitá sa katawhay, —Kag ang kalayo indi makakita 58 afon nga nagaaway. Ang masipát nga bumalasa makahangóp sing maayo nga ang kalayo amó ang ginsigal-í sa tagá nga ribák.
7 Capuchino— Mga monhe ukón prayleng' Kaputsenhon.
