SANG IKAPITO sang gab-i nag-alabót ang mga pinang- dapit: nahauná, ang mga balaan nga kubós, magagmay nga mga alagád, mga pangulo sang mga palatikangan, mga ko- mersyante, kbp., nga naghatag sing tuman nga mga katahurán kag sa mga dagway nga labí kaligdong, sa pamunò, subong sang bag-o lamang silá gindakóp: madamò nga suga, madamò nga kortina kag madamò nga kristal nakapabatyag sing katahâ. Sang ulihe nagkilalaháy silá kag sa tagù sinumbag nila ang ila mga inumol sa ila mga palad, pinikpik nila ang ila mga tiyán kag ang ibán nagpinikpikay sa ulo ukón sa tangkugò. Ang ibán, matuod, nagpakità sing balatyagon nga may paghikay sa pagpakilala nga naanad sila sa mga butang nga maayo, kon balá matuod nga naanad silá! May isá ka diwata nga nanguy-ab kay nakita niya nga ang tanan mga butáng nga ila sang timawà kag nagsilíng nga gutóm gid siá kaayo; ang isá nagkamog sa iya diyosdiyos, nga nagbakyaw sang iya butkon nga buót matampà sa iya. Si D. Timoteo nagyaób dirí, didto; nagpilák sing diutay nga yuhóm, nagbalikûkò, nag-isol, bumalikíd, bumalik na gid, kbp. kag madamò pa nga hulag nga ang isa ka diwata walâ makapugóng sa paghambal sa isá niya ka kaingod sa likód sang abaniko:
—Itsay, daw pinahulag nga munyeko si aguráng! Daw tawotawo nga pamahog sa kahumayán!
Sang ulihe, nag-abót ang nobya kag nobyo, nga ginbuylogán ni donya Victorina kag sang tanán nga hubón. Mga pangibulahan, kinamustahanay, pamikpik nga mainanggàon sa nobya, naunáy nga mga panulok, maibugon, sa lawas sa bahin sang nobya gikan sa mga lalaki; sa bahin na man sang mga
babáe, sa nobyo, ang pagsusi sang panapót, ang kahipid kag-373-
