Page:Ang-Pilibusterismo-Hiligaynon-ni-Jose-Rizal-1964.pdf/393

375

ANG BADU

iya anák kag sang pilá ka dalagkò nga mga diyosdiyos, nanaog sa pagbaton sang Magnum Jouem.³ Nakuhà man sa iya ang sakit sang hawak, sa mga pangduhadoha nga sa amó nga tión nagsalakay sa iya; dapat balá siá magpakità sing isá ka yuhóm ukón nawóng nga maligdong? Dapat balá siá magtanyag sang iya kamót ukón maghulát nga ang Heneral amó ang mag una sa pagtanyag sa iya? Nga yawà! Ngaa man nga walâ magabót sa iya panumdoman nga daan ang magpangusisà sang amó nga butang sa iya dakû nga abyan nga si Simoun? Sa pagtago sang iya kaaliwasá namangkot siá sa mahinay nga tingog, nga laós kaayo sa iya anák.

-Nakaaman ka sing isá ka pamulongpulong?

-Walâ na ginagamit ang mga pamulongpulong, papá, kag labí na gid sa sini nga hitabû!

Nag-abót si Jupiter nga kaupod ni Juno,⁴ nga nahimò nga isá ka kastilyo sang mga kalayo nga artepisyal: mga brilyante sa puróng sang iya buhók, mga brilyante sa liog, sa mga butkon, sa mga abaga, sa tanán nga bahin! Nagsuót siá sang isá ka matahúm kaayo nga trahe nga suklà, nga may malabà nga kola. nga binordahán sing mga bulak nga pinakumbò.

Ang Iya Taslangdon sa pagkatutuo amó ang naggahúm sa baláy, nga ginpangabáy ni D. Timoteo nga nagpalangurog ang iya mga bibig. Ang orkesta naglanton sang martsa real, kag ang langitnon nga magtiayon sumakà nga hinarianon sa naalpombrahán nga hagdanan.

Ang kaligdong sang I. T. walâ sing bugál: ayhan amó pa lang. kutob sang iya pag-abót sa Kapulòán, bumatyag siá sing kasubô; may diutay nga kamingaw nga nagtambong sa iya mga panumdoman. Yadto amó ang iya katapusan nga pag- daóg sa iya tatlo ka tuig nga paggahúm, kag sa sulód sang duhá ka adlaw, tubtob sa katubtohan manaog siá gikan sa amó kataas nga kagamhanan. Anó ang iya ibilin sa iya pagtaliwan? Ang I. T. indi na magbalikid kag pasulabihon niya ang pagtulok sa atubangan. sa palaabuton! Dal-on niya ang isá ka manggad, dalagkò nga kadamùón sang pilak nga pinatago sa mga Bangko sa Europa nga naghulát sa iya, may mga palasyo

__________________

⁸Magnum Joven- Dalagangan nga Jupiter.

⁴ Juno-Ang buót isiling ang Kondese, ukón ang asawa sang Kapitan Heneral.