—Masayran nga ang adlaw nagahinalóp! —hutík ni P. Irene sa dulonggan ni Ben Zayb.— Madamò na ang nagatulok sa iya sing tampad!
—Makatilingala nga Kura! — Amó kuntanì ang iya isiling
—Itsay,— hutík sang isá sa dulonggan sang iya kaiping nga nagtawag nga munyeko kay D. Timoteo.— Nakita mo kon anó nga palda?
—Uy! Mga kortina sang Palasyo!
— Hipos! Kag matuod! Madalá niya ang tanán. Tan-awa kon anó ang iya pagtabon sa mga alpombra!
—Inâ walâ pagpamatuod kundi nga siá may padihot kag maluyagón! — Hambal sang bana, nga nagsaway sang iya asawa sa isá ka panulok.— Ang mga babae dapat magkinot!
Ang kailó nga diyosdiyos nagbatyag pa sing kasakit sang ginbayad sa mananahì.
— Nonoy! Hatagi ako sing mga kortina nga tagnapulò kag duhá ka pesos ang bara kag tan-awón mo kon gamiton ko balá iní nga mga trapo, —sabát sang diwata nga naakig.— Hesus! Mahambal ka nga may tuman ka kaalawan nga mga gingikanan!
Nián si Basilio, sa atubangan sang baláy, nga nagpanagil-ot sa nagginutok nga mga tumalan-aw, nag-isip sang mga tawo nga nagpalanaóg sa mga kotse. Sang makità niya ang mada- mò nga tawo nga malipayon, nga may pagsalig: sang makità
_____________
5 Korte - Isá ka gubán sang mga tawo sa talatapán sang Hari.
