378
hangin subong sang isa ka hakop nga baga sa tunga sang lupok nga makalilisang; nagtulok sia palibot sa iya kag sa iya hunahona nakita niya ang mga bangkay sa baylo sang mga tumalan-aw; nakita niya sila nga mga kumpol na, ginpanan-aw niya nga ang hangin napuno sing kalayo. apang ang kaligdong sang iya balatyagon nangibabaw sa amo nga pagpanganinaw nga 1-abay nga pinasud-o sang ginbatyag niya nga kagulutmon kag nagsiling sia:
— Samtang nga indi sia magpanaog, wala sing katalagman. Wala pa mag-abot ang Kapitan Heneral! Kag ginhimulatan niya ang pagpakita nga wala sia malingkang nga iya pinunggan ang lakas nga pagpalangurog sang iya mga batiis, kag iya lamang ginlingaw sa pagpanumdom sang iban nga mga butang. May isa nga nagbasol sa iya sa iya ipalatugsiling. Kag nagsiling sa iya:
— Kon nagapalangurog ka karon, sa wala pa mag abdt ang makalilisang nga mga tion, ano ang imo kahimtangan kon makita nimo nga magbaha ang dugo, magdabdab ang mga balay kag magpanihol ang mga bala?
Nag-abot ang 1. T., apang ang pamatan-on wala magtalupangod sa iya: ginpanilagan niya ang nawong ni Simoun nga isa sang mga nagpalanaog sa pagbaton sa iya, kag binasa niya sa indi maalungay nga pangnawong ang pamatbat sa kamatayon sadto'ng tanan nga tawo, kag gani nga ang bag-o nga kakugmat naggahum sa iya. Nagpalamugnaw sia, nanukod sia sa padir sang balay kag, nalansang ang iya mga mata sa mga bintana kag gin-unay sa iya mga palamatin-an, buot niya panan-awon ang sarang mahanabb. Nakita niya sa salas ang kadam-an nga nagtilipon kay Simoun. kag nagtinan-aw sa lampara; nabatian niya ang pila ka pangibulahan, mga tinaga sa pagdayaw; ang mga tinaga nga “Nahauna nga magakalaon” nga ginsulit sing makapila; nakita niya ang Heneral nga nagkadlaw kag ginpakutpakot niya nga sugdan sa amo man nga gab-i suno sa ginpaaman sang manog-alahas kag, sa pat-od, sa latok dim manihapon ang Iya Taslangdon. Si Simoun nadula, nga sinunod sang madamb nga humalangad.
Sa amo nga hingapusan nga tion ang iya maayo nga tagipusuon nagdaog, nalimtan niya ang iya mga aligutgot, nalimtan niya si Juli. luyag niya Iwason ang mga wala’y sala, kag
