380
Hinay nga kinakás ni Isagani ang kamót kag pinadayon niya ang pagtulok nga may masulub-on nga yuhóm sa iya mga bibig!
- Por Dios!
Magpahilayô kitá!
- Ngaa man magpahilayô akó? Bwás indi na siá amó!
May tuman nga kasubô sa amó nga mga tinagâ nga si Basilio nalipat sa isa ka tión sa iya ginkahadlukán.
- Luyag ka nga mapatay? - pamangkot niya. Si Isagani pumakinhol sang iya mga abaga kag pinadayon ang pagtulok.
Buót siá ni Basilio nga guyuron liwát.
- Isagani, Isagani, pamatií akó, indi kitá mag-usik sing panahón! Inâ nga baláy ginbutangán sing dinamita, magalupók sa tióntión, sa walâ sing paghalong, sa pagtan-aw... Isagani, ang tanán madulà sa idalum sang iya mga ginab-an!
-Sa idalum sang iya mga ginub-an? sulit ni Isagani nga daw iya na nahangpan apang walâ magbulág sa pagtulok sa bintana.
-Huo, sa idalum sang iya mga ginub-an, huo, Isagani. Por Dios, kari ka! isugid ko inâ sa imo sa ulihe, kari ka! Ang isá nga labing wala'y palad sa imo kag sa akon, nagbutáng sa ila sa katalagman... Nakità nimo inâ nga sugâ nga masilì ang kaputi, masanag, katulad sang sugang' kilás, nga nagahalín sa palahanhanan? Amó inâ ang sugâ sang kamatayon! ka lámpara nga nasudlan sing dinamita, sa isá ka kalan-an nga binutangán sing mga pólbora... Malupók inâ kag walâ sing bisán isá ka ilagâ nga makalwás sang iya kabuhi, kari ka! Isá
-Indì! sabát ni Isagani nga masulub-on nga naglungôlungò. Luyag akó magpabilin dirí, luyag ko siá tan-awón sa katapusan nga tión... bwás laín na siá nga butáng!
-Pabay-an ang kapalaran! -hambal sang ulihe ni Basilio nga madasig nga nagpahilayô.
Nakità ni Isagani nga ang iya abyan nagpalayo sa tuman nga kadasig nga nagpakilala sang tutuo nga kakugmat kag pinadayon niya ang pagtulok sa makagalanyat nga bintanà, katulad sang ulitawo sang Toggenburg nga naghulát nga maggawa ang iya hinigugma, nga ginsugid sa aton ni Schiller. Sa amó nga tión ang salas wala na sing tawo; ang tanán nagkaladto sa mga kalan-an. Bumatyag si Isagani nga ang mga kahadlok ni Basilio mahimò nga may kamatuoran. Nadumdomán niya ang may
