Kag tinapos niya ang artikulo sa sini nga pagpaalam:
"Malakat nga may kalinóng ang maisog nga hangaway, nga sa sampaton nga kamót nagdumala sang mga kapalaran sini nga pungsod sa mga panahon nga tuman ka malaglagon! Malakát nga may kalinóng sa pagginhawa sang makabulóng nga mga dupoydupoy sang Manzanares! Kitá aton dirí mapabilin bilang mainunungon nga mga manogbantay sa paghangád sang iya handumanan, sa pagdayaw sang iya may kaalam nga mga pagpahitò, kag sa pagtimalós sa mabudhi nga pagpangahás batok sa maalwan niya nga dulot, nga dapat naton bawion maskin pa nga hubson naton ang kadagatan! Tuman ka malahalon nga handumanan sa siní nga pungsod ang wala'y kamatayon nga batdaan sang imo kaalwan, kabugnaw sang dugo kag kaisog!"
Sa sinâ natapos nga daw gumón diutay ang artikulo kag sa wala pa ang pamanagbanag, pinadalá na niya sa sulolatan. nga may pahanugot na nga daan sang mananabdong sa pamantalà. Kag nagtulog siá katulad kay Napoleon sang ma. tapos niya ang plan sa inaway sa Jena.
Ginpukaw nila siá sang pagkaaga nga binalik sa iya ang iya sinulatán kag may isá ka sulát sang manogdumala. nga nagsilíng nga ang I. T. bug-os nga nagdumilì sa paghambal sang hitabo kag nagmandò siá nga panghimutigón ang maskin anó nga mga sinugidsogid kag sinulatán nga maglibot, nga inâ
________________
2 Institución - Mga butang nga pinatok subong sang simbahan, buluthaan, pangulohan kag iban pa.
