Sa kay Ben Zayb isá yadto ka pagpatay sang isá ka anák nga tuman ka ambungan kag tuman kaisog kag ginbun-ag sal tunan nga kasakit kag kabudlay kag, diín ibutáng karón ang madayaw nga katilinarya,3 ang buganà nga pasundayag sang sinulatán nga may kaisog kag may pagka-hustisyero? Kag dumdumón nga sa sulód sang isá ukón duhá ka bulan mabiyà siá sa Filipinas, kag ang artikulo indi mabantalà sa España, paano ang paghambal niya batok sa mga kriminal sa Madrid kon didto nagaluntad ang ibán nga mga kaisipán, ginapangità ang mga buhat nga nakapabuhin sang salâ, ginatimbang ang mga binuhatan. may mga hukóm, kbp., kbp...? Ang mga artikulo subong sang iya, daw katulad sang mga agwardyente nga may hilû nga ginpábrika sa Europa, nga maayo ibaligyà sa mga negro, maayo sa mga negro, nga may kinatuhay lamang nga kon ang mga negro indì sinâ mag-inúm indì silá maanó, samtang ang mga artikulo ni Ben Zayb, basahon ukón indì sang mga pilipinhon, mahalitan man silá gihapon.
-Kon may mahimò lamang nga liwan nga krimen bwás ukón sa isá man ka bwás! -hambal niya.
Kag sa atubangan sadto'ng anák nga napatay sang walâ pa makakita sang pamanagbanag, mga bukol nga pinakigás sang tugnaw. kag binatyag niya nga ang iya matà nabasâ sing luhà, nag-ilis siá sing panapót sa pagpakigkità sa manogdumala. Ang manogdumala pumakinhol lamang sang iya mga abaga; ang I. T. nagdumili sa pagpabantalà sang iya sinulatán, kay kon mabalahubà nga ang pitó ka dalagkò nga diyosdiyos nagpabayâ nga pagkawatan kag pagkibutón sang bisán sin-o samtang naguloyat silá sing mga tenedor kag mga kutsilyo, mabutáng sa katalagman ang kadungganan sang Pungsod! Kag tungód siní nagmandò siá nga indì pagpangitàon bisán ang lámpara bisán man ang buyóng kag nanugyan sa mga matal os sa iya nga indi magpangahás sa pagkaon sa maskin diín nga baláy nga iya sang timawà, nga indì malibutan sing mga alabardero kag mga gwardya. Kag sanglit yadto'ng mga nakasayod sang amó
______________
3 Catilinaria — Pamulonpulong ni Cicerón batok sa taghimbon sang gamó sa Senadong' romanhon nga si Catilina. Nahanaba sang 66 ka tuig sang wala pa mabun-ag si Jesucristo.
4 Alabardero - Ang soldado nga may hinangiban nga alabarda, bangkaw nga sa ubós sang iya mataliwis nga utbong may nagabangga nga daw wasey.
