— Si Ben Zayb, maisog subong sang leyón kag mabaot subong sang karnero!
Sang makaabót siá sa duóg nga nahanabòán, sa iya daku nga katingala nakita niya nga ang napilas indì liwan kundi si P. Camorra, nga ginsilutan sang iya probinsyal5 sa pagpanilag sa baláy nga paliwaliwahan, sa pangpang sang Pasig, nga amó ang kapilyuhan niya sa Tiani. May diutay siá nga pilás sa kamót, isá ka bagras sa ulo sang pagkapukan niya nga nagkulób; ang mga kwarta nga ginkawat, kalim-an ka pesos.
— Indi mahimò! —hambal ni Ben Zayb.—Paghipos ka... wala ka makahibaló sang imo ginahambal!
— Anó wala akó sinâ makasayod, yatis na man!
— Indi ka magbinuang!... ang magbuyóng dapat nga kapin pa..
—Tawo ka! Nagasupsop sang iya tudlò iní...
Naglawig ang ila pagsinabtanay. Ang kinahanglan kay Ben Zayb nga indi niya pag-ipaiway ang artikulo, magpadako sang natabô agúd mahimò ang pamulongpulong.
Isá ka hinuringhoring umutód sang ila pagsabtanay. Ang mga buyóng nga nadakpan nakahimò sing kinahanglanon nga mga pahayag.
Ang isá sang mga buyóng ni Matang-uwák (Kabesang Tales) naghatag sa ila sang duóg nga pagakitaan nila sang iya gubán sa Santa Mesa, sa pagsulód sang mga kombento kag mga balay sang mga manggaranon... Mangulo sa ila ang isá ka katsilà, mataas, kayumanggi. putî ang buhók, nga nagsilíng nga ang iya ginhimò sa sugò sang Heneral, nga abyan niya kaayo; siá nagpasalig pa gid sa ila nga ang artilyeriya kag ang pila ka rehimyento magabuylog sa ila, tungód sinâ walâ silá sing maskin anó nga kahadlukán. Ang mga buyong pagaindultohán, kag ang isá sang tatlo ka bahin sang mapanghipo igahatag sa ila. Ang tiliman-an amó ang lupók sang isá ka kanyon, kag sanglit sa ila paghulát walâ man mahimò, ang mga buyóng nga nagtuo nga ginbutigán lamang silá, ang ibán sa ila nagpalauli, ang ibán nagbalalik sa kabukiran nga nagtulog-an nga magatimalós sa katsilà. nga sa makaduhá wala makatuman sang iya hinambalán. Hantì silá nga mga buyóng nga nadakpan, buót maghimò sing isá ka butang sa ila kaugalingon nga kabubut-on kag sinulód nila ang
_______________
6 Provincial-Ang isa ka pari nga may gahúm sa tanan nga kombentosang isa ka puád.
