gintamay, ginpangayò ang mga tawo nga hilway kag indi
ulipon, may mataas nga mga panghunâhonà kag indì ang
ginpayaób nga mga kabubut-on.9 Sa iya nawóng nga masulub
on kag maligdong mabasa ang kalinóng sang kalág nga
ginpabakod sang pagtuón kag pagpanumdom, kag ayhan natilawán na sa iya kaugalingon nga mga pagbatás sang mga
alantuson sang ipalatugsiling. Ang amó nga parì amo si P.
Florentino, ang tiyù ni Isagani, kag ang iya maragtas maasoy
sing mahapós.
Anák sang isá ka manggaranon kaayo kag may maayo nga kaangtanan sa Manila nga panimaláy, nga may makaluloyag nga dagway kag malipayon sing mga gawi sa paglutáw sa kalibutan, walâ gid maghandum nga manginpari; apang ang iya ilóy tungód sang mga panug-an kag mga pagpasalig, amó ang nagpilit sa iya sa pagsulód sa seminaryo sang tapos ang indì diutay nga paghimud-os kag masakit nga mga binais-bais. Ang ilóy may hugót nga pagpakighirop sa arsobispo, isá ka kabubut-on kag indi malisò katulad sang tanan nga babáe nga matinuohon nga nagpati nga ginsunód nila ang kabubuton sang Diwa. Walâ sing pulós nga namatok ang pamatanon nga si Florentino, wala'y pulós nga nagpakitluoy, wala'y pulós nga namalibad siá tungód sang iya mga paghigugma kag nagtuga sang mga kinagulà; dapat siá nga mangin-parì kag sang nagpanuigón siá sing duhá ka puló kag limá ka tuig nahimò na siá nga pari; ang arsobispo amó ang naghatag sa iya sing mga orden, ang nahauná nga misa ginhiwat sing tuman kasadya, may tatlo ka adlaw nga pandot, kag ang ilóy napatay nga malipayon nga ginbilin sa iya ang tanan niya nga manggad.
Apang sa amó nga paghimud-os nakabaton si Florentino sing isá ka pilás nga walâ mabulóng: sang pilá ka semana sang wala pa ang nahauná niya nga misa, ang babae nga labing" nahagugmaán niya nagpakasál sa isá nga walâ makilal-i, tungod sa paghinakít; ang amó nga kasakitán amó ang labing mapintas nga iya nabaton; nadulà ang kabaskog sa iya kabubut-
_________________
9 Ginpayaób nga mga kabubut-on- Ginapatuhoy sa mga pari nga sanday Pélaez, Gómez, Burgos kag ibán pa nga mga pari sang pungsod, nga sa ila mga pagkapari, nga may matarong nga kahimtangan sang kabubut-on, nagtulok nga kaangay nila lamang ang mga prayle. Apang ang nahanabo sa Cavite, tuman ka makakulogmat, nga ang mga paring' tumandok kutob sadto, nagpalangabuhi nga may kahadlok, nga nagpaubós sa mga paring' katsila.
