- Ang tanán nahibal-an.
APANG, wala'y sapayán sang tuman nga paghalong, ang mga sinugidsogid naglambot sa banwa, bisán nga laín na kag dak ang nabuhin. Amó ang ginhambalán sang madasón nga gab-i sa balay sang manggaranon nga panimaláy sa Orenda, nga pumalatikang sa alahas sa mahinikuton nga bahin sang Santa. Cruz. Ang madamò nga abyan sang amó nga panimaláy walâ sing liwan nga ginhambalán. Walâ silá maghampang sang tresazete, walâ man maglanton sang pyano, kag ang katitiya nga si Tinay, nga lanubò sa tanan nga kadalagahan, nagpainit sang iya ulo nga isahanon lamang nga naghampang sang sungkà, nga indi makahangóp kon tungod sa anó nga ang ginhanibalán lamang amó ang pagpangawat sang buyóng, ang mga himbon sa gamó, ang mga sako sang pólbora, tungód nga may matahúm nga mga sigay sa pitó ka buhò nga daw nagpangiláy kag nagyuhóm sa iya sa ila magagming nga mga bàbà nga nagngángá agúd pasakàon sílá sa iloy nga buhò. Si Isagani, nga sang iya pagkarâ, nagpakighampang sa iya kag nagpabayâ nga ginlag-it siá sing maayo, walâ magpamati sa iya mga panawág, si Isagani namatì sing maligdong kag mahipos sa ginsugid ni Chichoy nga platero.Si Mo
moy, nga nobyo ni Sensia, nga kamagulangan sa mga anak sang mga Orenda, maayuayo kag maalikaya nga pamatan-on bisán nga daw malahóg, naghalín sa bintanà diín sa masunson ginpaligad niya ang mga gab-i sa paghambal sang iya mga paghigugma. Iní ginpamatukan kaayo sang periko nga ang iya hawla napakabit sa balisbisan, periko nga palanggà sang panimaláy tungód nga makahibaló magtamyaw sa tanán nga aga sa tanán sa matahúm nga mga tinagâ sa paghigugma. Si Kapitana Loleng, ang mapisan kag mahinangpanon nga Kapitana Loleng, may bukás nga listahan sa pautang apang walâ man niya pagbasaha kag walâ
