niya pagsulatí; walâ siá pagsapák sa mga pinggan, nga napunô
sing hilway nga mga mutyà, bisán sa mga brilyante; sa amó nga
tión pinanglimot siá kag lunsay lamang siá nagpinamatì; ang iya
man bana, ang dalagangan nga si Kapitan Toringoy. liniwát nga
ngalan nga Domingo, ang labing' malipayon sa amó nga duóg,
nga walâ sing ibán nga ginhimò kundì ang magpanapót sing
maayo, magkaon, magdayán kag magsugilanon samtang ang
bug-os nga panimaláy nagpangabudlay kag naghimulat, walâ
magkadto sa tinipuntipon, sa pagpamati nga may kahadlok kag
may kakibáng sa makakulogmat nga mga balità sang maniwang
nga Chichoy.
Kag indi sa walâ sing kabangdanan. Si Chichoy nakakadto, sa paghatag sang mga pinahimò sa iya, sa kay don Timoteo Pelaez, isá ka pares nga aritos sa bag-o nga kinasál, sa tión nga gingubâ nila ang kiosko nga sang gab-i nga nagligad gingamit nga kalan-an sang labing' mataas nga mga puròan. Dirí si Chichoy nangluspad kag nagpalanindog ang iya mga buhók.
-Nakú! --silíng niya. Mga sinako nga pólbora, mga sinako nga pólbora sa idalum sang salóg, sa atóp, sa idalum sang latók, sang mga pulungkòan, sa tanán nga bahin! Maayo lang nga palad nga walâ sing isá sang mga naghilikct didto nga nakapanabakô!
Kag sin-o ang nagbutáng sadtong' mga sinako nga pólpamangkot ni Kapitana Loleng, nga maisog kag walâ magpangluspad subong sang may paghigugma nga si Momoy.
Si Momoy nakatambong sa kasál kag mahangpan ang ulihe na niya nga pagbatyag. Si Memoy nakapalapit sa kiosko.
Butang nga walâ sing makasugid, sabát ni Chichoy. Sin-o ang may luyag sa pagtublag sang badù? Walâ lwás sa isá lamang ka tawo. --hambal sang bantog nga mananabang nga si Gg. Pasta nga nagduaw, -ukón ang isá ka kaaway ni don Timoteo ukón ang kaindis man ni Juanito sa paghigugma...
Ang mga dalaga nga Orenda nagbalalik kay Isagani: si Isagani nagyuhóm sing mahipos..
Panagò ka! hambal sa iya ni Kapitana Loleng. -Saráng ka nila mapatûtòán... panagò ka!
Si Isagani nagyuhóm liwat kag walâ magsabát.
- Si don Timoteo, padayon ni Chichoy, indì makahibaló kon kay sin-o ipabangód ang buhat. Siá man gani ang nagdumala sang mga hilikutón, siá kag ang iya abyan nga si Simoun,
