Si Chichoy naglungolungb nga nagyuhom.
— Ang manog-alahas nga si Simoun!
— Si Simoun!!!
Isa ka kalinong, gikan sa kahadlok, ang nagsunod sa sini nga mga tinaga. Si Simoun, ang maitum nga kalag sang Kapitan Heneral, ang manggaranon kaayo nga kornersyante nga sa iya balay nagkaladto sila sa pagbakal sang hilway nga mga bato, si Simoun nga nagbaton sang mga dalaga nga Orenda sing tuman kamaamumahon kag naghambal sa ila sing maabiabihon nga mga tinaga! Sa amo man nga ang panugiron ginbilang nga kabuangan, ginpatihan man. Credo quia absurdum, siling ni San Agustin.
— Apang, si Simoun, wala didto kagab-i sa badu? —pangkot ni Sensia.
— Huo, — sabat ni Momoy, — apang karon nadumdoman ko! Nanaog sia sa balay sa tion nga buot na kami magpanihapon. Naglakat siai sa pagkuha sang iya inogdulot sa kinasal.
— Apang indi bala sia abyan sang Heneral. Indi bala sia kakumboya ni don Timoteo?
— Huo, nagkakumboya sia sa tuyd nga mag-atake kag magpatay sa tanan nga katsila.
— Ara — siHing ni Sencia, —karon nakita ko na!
— Ang ano?
— Kamo indi maluyag magpata kay tiya Tentay. Si Simoun amo ang yawa nga nagbakal sang tanan nga kalag sang mga katsila... si Tentay ang naghambal sina!
Si Kapitana Loleng nanguros, mahipos nga tinulok niya ang mga bato nga hinadlukan bas'i kon mahimb nga mga baga; kinakas ni Kapitan Toringoy ang singsing nga naghalin kay Simoun.
— Si Simoun nadula nga wala magbilin sing mga agi, — sugpon ni Chichoy. — Ginapangita sia sang Gwardya Sibil. — Huo! —siling ni Sensia. —Pangitaon ang yawa!
Kag nanguros sia. Karon nasaysay ang madamb nga butang, ang makahalawhaw nga manggad ni Simoun, ang lain nga bahu sa iya balay, ang bahu sang asupre. Si Binday, ang isa man sang mga dalaga nga Orenda, talunghayag kag maga yon nga lin-ay, nakadumdom nga nakakita sia sing mga ka-
