layo nga asul sa balay sang manog-alahás sang isá ka hapon,
nga nag-upód siá sa baláy sang iya ilóy, sa pagbekál sing mga
bató.
Si Isagani namati sing may kawili nga wala magbungát sing bisán isá ka tagâ.
-Gani nga kagab-i...!-pitlà ni Momoy.
-Kagabi. sulit ni Sencia nga may katingala kag may kaimon.
Si Momoy walâ magpadayon, apang ang nawóng nga gin- pakita sa iya ni Sensia nagkuhà sang iya katahap.
-Kagabi sang pagpanihapon namon, may kinagulà; ang sugâ napalong sa Kalan-an sang Heneral. Ginsugid nga may isá nga wala makilal-i nga nagkawat sang lámpara nga gin- dulot ni Simoun.
— Isa ka makawat? Isá sang mga Maitúm nga Kamót? Si Isagani tumindog kag maglakátlakat.
—Kag wala nila siá madakpi?
— Lumompat siá sa subâ; walâ sing nakakità sa iya. Ang ibán nagsugid nga isá kunó ka katsilà, ang ibán insik; ang ibán, indyo...
-Nagapati ka nga sa sinâ nga lámpara.—pangkot ni Chichoy. tutdan niya ang bug-os nga baláy, ang pólbora....
Si Momoy nagpalangurog liwát, apang sang makita niya nga si Sensia nakamutík sang binatyag niya nga kahadlok, nagpakatawhay siá.
—Kanugon!—bungát niya sing pilit.— Indì maayo ang hinimò sang makawat! Kuntani napatay ang tanán...
Tinulok siá ni Sensia nga hinadlukán; ang mga babae nagpalangurós: si Kapitan Toringoy nga may kahadlok sa polítika, naghulát sa pagpahilayô. Si Momoy nag-atubang kay Isagani.
— Malain gid lang ang mag-angkon sang butang nga indi imo, —sabát ni Isagani nga may halangpon nga yuhóm. Kon yadto nga makawat nakahibaló lamang kon anó yadto nga butang kag nakapanumdom, nagasalig akó nga wala niya yadte paghimoa!
Kag sinugponán niya sang pagligad sang isá ka kalinóng:
—Walâ sing isá sa kalibutan nga maluyag mabutang sa iya duóg!
