sari sang kalakasán tungod sa iya indi mapalong nga kauhaw
sa bulawan.
Ang pagtuad malawig kag makatalaka. apang samtang nga ginsugid sa iya ang tagpamati walâ na magpakità sing maskin anó nga kahadlok kag talagsa nga ginsal-után niya ang masa- kitón. Gab-i na sang si P. Florentino, magpamahid sang bal- has sa iya nawóng, nagtadlong siá kag buót nga magpainuino. Naghari sa sulod sang puloy-an ang makatilingala nga kadu- lóm, nga sang mga silak sang bulan, nga nagsulod sa bintanà, ginpunô sing masagil-um nga kasanag kag maaso nga mga kilán.
Sa tungâ sang kalinóng, ang tingog sang pari nagguób nga masulub-on, malagnay, apang makapalugpay:
—Ang Dios magpatawad sa imo, Gg.... Simoun, —ilíng niya. Nakahibaló siá nga kitá makasasalà, nakita niya ang imo pag-antos, kag sa pagpahanugot nga mag-antos ka sang silot sa imo mga kasal-anan nga batunon mo ang kamatayon sa kamót sang mga tawo nga amó man ang imo ginpilit sa paghimò sang krimen, saráng naton makità ang Iya wala'y katapusan nga kaluoy! Walâ niya pagpadayuna ang tagsatag- sa sang imo mga bukò, nga naisip sing labing maayo, nahauná, sa kamatayon ni María Clara, ang masunód tungód nga walâ ka makapangaman, kag sang ulihe sa makatilingala... Nagsu- nód kitá sa Iya kabubut-on kag hatagan naton Siá sing pasala- mat!
—Sunô sa imo, sabát nga maluya sang masakitón, ang Iya kabubut-on nga ini nga mga pulô...
—Magpadayon sa kahimtangan nga nagaantos silá? - hingapos sang parì sang makita niya nga ang taghambal nag- dulog. —Wala ko masayri, ginuo; wala ko mabasa ang hunâ- honà sang Makagagahum! Nahibal-an ko nga walâ siá mag- pabaya sa mga banwa nga sa katapusan nga mga tión nagtuluo sa lya kag ginhimò nila Siá nga Hukóm sa pagdaugdaog sa ila; nahibal-an ko nga ang Iya butkon walâ pagpabaya kon, ang katarungan ginalapak kag nasigpot na ang tanan nga kalala- ngan, ang gindaugdaog makuhà sang espada kag magpakig- away nahanungod sa iya puloy-an, sa iya asawa, sa iya mga anák, sa iya dunâ nga mga kinamatarong nga, sunô sa ginham- bal sang mamalaybay nga aleman, nagaigpat sing wala'y kata- pusan kag hilway didto sa kahitaasan katulad sang amó man
