nga wala'y katubtoban nga kabituonan! Indi, ang Dios nga
amó ang hustisya, indì makapabaya sa iya kawsa, ang kawsa
sang kaluwasan nga kon walâ ini walâ sing mahimò nga hus-
tisya!
—Ngaa man ugaling nga gindumili niya sa akon ang bug-os niya nga pagbulig? —pamangkot sang tingog sang masakitón, punô sing mapaít nga panumbunganon.
—Kay ginpili nimo ang isa ka kalalangan nga Siá indì makapahanugot! sabát sang pari sa tingog nga mapag-on. Ang kahimayàan sa paghilway sang isá ka pungsod indì igtug. yan sa isá nga nakaamot sa kabangdanan sang iya pagkalag- lag! Ikaw nagtuo nga ang ginhalitan sang isá ka krímen kag dî-matarong, isá man ka krimen kag isá ka di-matarong ang saráng makapaputli kag makabawì! Sayóp! Ang kaaligut got walâ sing matuga kundi ang dalagkò nga kalain, mga krimen, mga kriminal; gugma lamang ang makapagwâ sang mga bu- táng nga matahúm, katarong lamang amó ang makabawì! Indi; kon ang aton pungsod dapat mangin-hilway, inâ indi matigayon sa kaduyogan kag sa krímen, indì man matigayon paagi sa kalaglagan sang iya mga anák, nga lag-itón ang ibán, kag hiphipán ang ibán, indi; ang paglwás nagapakilala sang katarong, ang katarong, pag-antos kag ang pag-antos, gugma! ang
—Maayo! Ginabaton ko ang imo kasaysayan, —sabát sang masakitón pagligad sang madali nga pagdulog. —Nagsa- yóp. akó; apang tungod kay nagsayóp akó, inâ nga Dios dumi- lian niya ang kahilwayan sa isá ka banwa kag wasón niya. ibán nga labí pa ka kriminal kaysa akon? Anó ang akon sayop sa luyó sang krimen sang mga gumalahom? Ngaa man nga inâ nga Dios labí nga magsapák sang akon pagka-masalay- pon sangsa mga panumbunganon sang madamò nga wala'y salâ? Ngaa man nga walâ akó pagpilasi kag padag-on ang banwa? Ngaa man pabay-an nga mag-antos ang madamò nga dungganon kag matarong kag magpatawhay nga indì maghu- lag sa mga pagsakit sa ila?
— Ang mga matarong kag mga dungganon dapat magbatás agúd ang ila mga kaisipán makilala kag maglapnag! Dapat uyatan kag buongon ang mga baso sa pagpalapta sang ila mga kahamót, dapat bag-irón ang bató agúd maggwâ ang kasanag! May diutay nga bugáy nga langitnon sa mga paghingabót sang mga manlulopig, Gg. Simoun!
