Page:Ang-Pilibusterismo-Hiligaynon-ni-Jose-Rizal-1964.pdf/431

413

PILIBUSTERISMO

—Isá ka Dios nga matarong gid, Gg. Simoun, sabat sang pari. Isá ka Dios nga nagasilot sa aton kakulang sing pagtuo, sa aton mga kaduyogan, ang diutay nga pagpakamahál nga ginahimò naton sa kadungganan, sa mga butang nga ma- tarong sa banwa . . . Ginapahanugotan naton kag ginabuylogán ang kaduyogan, kon kis-a aton pa ginadayaw; matuod gid lang, matuod nga mag-antos kitá sang mga mahanabò gikan sa ila kag antusón man inâ sang aton mga anák. Siá ang Dios sang kaluwasan, Gg. Simoun, nga nagapilit sa aton sa paghigugma sinâ nga ginahimò niya nga magmabug-at ang singkaw sa aton; isá ka Dios nga maluluy-on, matinimbangtimbangon, nga sam- tang kitá ginasilutan ginapaayo man niya ang aton kahimta- ngan, kag nagahatag lamang sing kaayuhan sa isa nga angay sa iya pagpaninguhâ: ang buluthòan sa pagbatás nagapabagay- bagay, ang patag sa pag-awayan nagapabakod sang mga kalág. Indi ako maluyag magsilíng nga ang aton kaluwasan makuhà sa suláb sang espada; ang espada may labing' diutay na karón nga paghilabót sa mga kapalaran nga binag-uhanon, apang, huo, makuhà naton inâ nga magmangín-angay kitá, nga bata- kon ang katarungan kag kadungganan sang tawo, higugmaón ang matarong, ang maayo, ang butang nga daku tubtob nga panginmatyan inâ, kag kon ang banwa makalambot sinâ nga putókputokán, ang Dios mahatag sang hinangiban, kag mahu- log ang mga diyosdiyos, mahulog ang mga manlulopig kasu- bong sang kastilyo sang mga baraha, kag masilak ang kaluwa- san upód sa nahauná nga pagpamanagbanag! Ang aton ka- lainan nagikan sa aton man lamang kaugalingon, indi naton mapatungod ang kasal-anan sa ibán. Kon makità kitá sang España nga indi kitá makauyon sang panglupig, kag luyag kitá magpakig-away kag mag-antos tungod sa aton rnga kinamata- rong, ang España ang nahauná nga mahatag sa aton sang ka- luwasan, kay kon ang bunga sang pagpanamkon maggulang na, wala'y palad ang ilóy nga magpugóng sang iya paggwâ. Sa karón, samtang ang banwang' pilipinhon walâ sing tuman nga kusóg sa paglawag, nga nabatak ang agtang kag hublas ang dughan, sang iya kinamatarong sa pangabuhi sa katilingban kag paluntarón sa iya pag-antos, sa iya kaugalingon nga dugô; samtang ginatan-aw naton ang aton mga kasimanwa, sa ila kaugalingon nga pagkinabuhi nagabalatyag sing mga kahuloy-an sa ila kaugalingon, mabatián ang pagngurob sang tingog sang