hayág nga kinaayo sang pagtuluohan nga katoliko ukón sa
pagtaligmatô sa indì igù nga pangatarungan kag indì dalayon
nga kahimtangan sang mga utok sang dalág nga kabikahan,
ang madalum nga pagtuón sang antropolohiya5 amó lamang
ang makapaathag sinâ.
Kag si Ben Zayb naggamit sang paningog sang isá ka Katedrátiko6 kag sa iya inogtudlò nga tudlò naghimò sing mga manipulon sa hangin nga nagpabugál sang iya aninaw nga makakuhà siá sa mga butang nga labing' wala'y pulós sang madamò nga panuytoy kag mga paghangóp. Kag sanglit nakita niya si Simoun nga nagpalibóg kag nagtùo nga siá nagpa- numdom nahanungód sa bag-o lamang niya ginhambal, ginpangkot niya siá kon anó ang iya ginpanumdom.
—Sa duhá ka butáng nga tamà ka malahalon, —sabát ni Simoun.— Duhá ka pamangkot nga saráng nimo masugpon sa imo artikulo. Nahauná: anó ang nahanabò sa panuláy sang makibón siá gilayón sa sulód sang bató? Nagpalagyo? Nabilin siá didto? Nabilin siá nga naipít? Kag ikaduhá, kon ang mga sapat nga pinakigás nga nakita ko sa nagkalainlain nga mga museyo sa Europa walâ ayhan mangin-biktima sang isá ka santos sang wala pa ang anaw?
Sa paningog nga naghambal ang manog-alahás namutikán nga tuman kaligdong, samtang nga ginpadapat niya ang iya agtang sa utbong sang iya tudlò bilang timàan sang iya madalum nga pagpanumdom nga si P. Camorra nagsabát man sing tuman kaligdong:
—Sin-o ang nakasayod, sin-o ang nakasayod!
—Kag karón kay ginahambalán naton ang mga sinugidsogid, kag nagasulód kitá karón sa linaw, —hambal ni P. Sibyla —ang Kapitán dapat nga may madamò nga nahibal-an
Sa amó nga tión ang bapor nagsulód sa gibwangán kag ang
talan-awon nga nahumlad sa ila mga matá sa pagkatutuo tuman katahúm. Ang tanán nakadayaw. Sa atubangan nahum-
lad ang maanyag nga linaw nga nalibután sang lunhaw nga mga
baybayon kag asúl nga kabukiran katulad sang isá ka daků
nga salamíng nga nakwadrohán sing mga esmeralda kag mga
______________
5Antropología-Ang kinaalam nahanungod sa pagbalay sang lawas sang tawo.
6 Catedrático- Isá ka propesor sa unibersidad.
